Pakul tolki dla supracoŭnikaŭ biudžetnaj śfiery i dziaržpradpryjemstvaŭ.

Namier Nacyjanalnaha banka RB praciahnuć pašyreńnie śfiery vykarystańnia nacyjanalnaj płaciožnaj sistemy padćvierdziŭ siońnia na pres‑kanfierencyi Ivan Piščyk, kiraŭnik hałoŭnaha ŭpraŭleńnia płaciožnaj sistemy Nacyjanalnaha banka Biełarusi.

Pavodle spadara Piščyka, na siońnia płaciožnaja sistema Biełkart nie daciahvaje da ŭzroŭniu nacyjanalnaj — jana achoplivaje tolki dziesiatuju častku nasielnictva. Adnak, jak spadziajucca ŭ NB, chutka hetaja situacyja źmienicca. U pieršuju čarhu dziakujučy pieravodu dziaržaŭnych pradpryjemstvaŭ na vykarystańnie hetaj sistemy. Siarod pryčyn nieabchodnaści raźvićcia biełaruskaj nacyjanalnaj płaciožnaj sistemy I.Piščyk nazvaŭ pytańnie nacyjanalnaj biaśpieki. I pryvioŭ prykład finansavych defołtaŭ, u vyniku jakich parušałasia praca inšych elektronnych płaciožnych sistem. Pry hetym Ivan Piščyk adznačyŭ, što nichto nie budzie abmiažoŭvać kolkaść płastykavych kartak u nasielnictva tolki kartami Biełkart. «Našym hramadzianam nichto nie zabaronić mieć 2 i bolš płastykavych kartak» — skazaŭ kiraŭnik hałoŭnaha ŭpraŭleńnia płaciožnaj sistemy Nacyjanalnaha banka Biełarusi.

Na siońnia siaredniaja kolkaść płastykavych kartak na dušu nasielnictva vahajecca ad 2,7 u Vialikabrytanii da 0,5 u Kazachstanie. U Biełarusi hety pakazčyk roŭny 0,7. Isnujuć taksama krainy, dzie pakul elektronnyja płaciožnyja sistemy nie atrymali raspaŭsiudžańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?