Minskija ŭłady pryniali rašeńnie nie praciahvać kanikułaŭ u škołach. Zaniatki pačnucca 12 listapada,

paviedamiła hałoŭny śpiecyjalist upraŭleńnia ideałahičnaj, sacyjalnaj i vychavaŭčaj pracy kamiteta pa adukacyi Minharvykankama Nadzieja Vialikaja.

Nahadajem, školnyja kanikuły ŭ Biełarusi pačalisia 26 kastryčnika, dzieci pavinny byli pajści ŭ škołu 2 listapada.

Adnak 31 kastryčnika kanikuły byli praciahnutyja pa 6 listapada

ŭ suviazi z tym, što ŭ Minsku adznačaŭsia ŭzdym zachvorvańnia na vostryja reśpiratornyja infiekcyi, jaki, jak paviedamlała haradskaja sansłužba, «z 2 listapada pryniaŭ vyrazny charaktar».

Zatym kanikuły byli praciahnutyja z 6 listapada pa 11 listapada ŭklučna.

***

Jašče siońnia ranicaj staličnyja miedyki rekamiendavali harvykankamu praciahnuć kanikuły.

U haradskim centry hihijeny i epidemijałohii padrychtavali abhruntavańnie ab nieabchodnaści praciahnuć školnyja kanikuły ŭ čarhovy raz. Pa raźlikach śpiecyjalistaŭ, praciah kanikułaŭ pa 11 listapada dazvoliŭ papiaredzić bolš za 15 tys. dadatkovych vypadkaŭ zachvorvańnia na VRVI i hryp siarod školnikaŭ. Kali siarod darosłych uzrovień zachvorvańnia za apošnija dva tydni vyras u 2,5 razu, to siarod dziaciej — zastaŭsia na tym ža ŭzroŭni.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?