11 listapada byŭ zatrymany raspaŭsiudnik niezaležnaj presy Barys Chamajda.

Supracoŭniki Čyhunačnaha rajadździeła milicyi zavieźli jaho ŭ pastarunak za raspaŭsiud niezaležnych drukavanych vydańniaŭ.

Barysa Chamajdu zatrymali kala tak zvanaha Siniaha domu — domu №28 pa vulicy Lenina, dzie jon raspaŭsiudžvaŭ «Našu Nivu», knižki Uładzimiera Padhoła z cytatami Alaksandra Łukašenki, vydańni «Radyjo Svaboda».

Sp. Chamajda tolki 3 listapada adnaviŭ svaju raspaŭsiudnickuju dziejnaść paśla čatyrochmiesiačnaha pierapynku: u pačatku leta jon trapiŭ u špital i peŭny čas musiŭ bierahčy ułasnaje zdaroŭje. Pavodle jahonych słovaŭ, minuły tydzień prajšoŭ spakojna, i tolki siońnia jon trapiŭ pad uvahu milicyjantaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?