Alaksandr Syrski z padnačalenymi. Fota: telehram-kanał A. Syrskaha
Kamandujučy Suchaputnymi vojskami USU hienierał-pałkoŭnik Alaksandr Syrski pryjechaŭ z pravierkaj na pazicyi ŭkrainskich vajskoŭcaŭ na bachmuckim napramku, paviedamlaje RBK-Ukraina.
«Pryjechaŭ da našych voinaŭ, jakija vykonvajuć bajavyja zadačy na bachmuckim napramku», — raspavioŭ jon.
Jon paviedamiŭ, što razam z kamandzirami jany pryniali «šerah nieabchodnych rašeńniaŭ», nakiravanych na «zabieśpiačeńnie efiektyŭnaj abarony i naniasieńnie maksimalnych strat praciŭniku».
«Pahutaryli z abaroncami Uschodniaha frontu. U centry ŭvahi pastajanna pavinny być ludzi, ad sałdata da kambryha. Nichto nie pavinien zastacca ŭbaku, bo mienavita dziakujučy ich samaachviarnaści i prafiesijanalizmu Bachmut trymajecca», — dadaŭ Syrski.
Jak śćviardžaje RBK-Ukraina, Maskva pastaviła sabie čarhovy dedłajn akupacyi Bachmuta — 9 maja. A potym, pavodle adnoj ź viersij, Uładzimir Pucin moža abviaścić na hetaj «pieramožnaj nocie» ab zakančeńni vajny: maŭlaŭ, «usie mety SVA vykananyja, ukrainskaja armija raźbitaja».
Čytać taksama:
ZŠA: Sa śniežnia na vajnie va Ukrainie zahinuli 20 tysiač rasijanaŭ, mnohija ź ich — u Bachmucie
«Bolš, čym vojska Čechii abo Vienhryi». USU raspaviali, kolki rasijan vajuje pad Bachmutam
Kamandujučy Uschodniaj hrupoŭkaj vojsk USU patłumačyŭ, čamu jany praciahvajuć utrymlivać Bachmut
