Unikalny pomnik architektury pretenduje stać pieršym virtualna rekanstrujavanym abjektam.

 Halšanski zamak. Rekanstrukcyja Dźmitryja Bubnoŭskaha pa materyjałach Michasia Tkačova.

Halšanski zamak. Rekanstrukcyja Dźmitryja Bubnoŭskaha pa materyjałach Michasia Tkačova.

Mietad 3D animacyi moža być vykarystany pry rekanstrukcyi zamku ŭ Halšanach, paviedamiła zahadčyca siektara ŭpraŭleńnia pa achovie historyka-kulturnaj spadčyny i restaŭracyi Ministerstva kultury Biełarusi Natalla Chvir. Jana adznačyła, što siońnia va ŭsim śviecie adnaŭleńnie abjektaŭ historyka-kulturnaj spadčyny — heta nie abaviazkova budaŭnictva. Reštki abjekta kansiervujucca, a poŭnaje ŭjaŭleńnie ab raniejšym jaho vyhladzie možna atrymać, vykarystaŭšy mietad virtualnaj rekanstrukcyi.

U ciapierašni čas u Biełarusi ŭ Dziaržaŭny śpis historyka-kulturnych kaštoŭnaściaŭ uklučana 4587 abjektaŭ, ź ich bolš za 1500 pomnikaŭ architektury. N. Chvir raspaviała, što rekanstrukcyja abjektaŭ historyka-kulturnaj spadčyny viadziecca ŭ respublicy ŭ adpaviednaści ź Dziaržaŭnaj inviestycyjnaj prahramaj, asnoŭnymi abjektami jakoj źjaŭlajucca Mirski i Niaśvižski zamki. U ciapierašni čas u Biełarusi sfarmiravany śpis z 31 abjekta, jakija znachodziacca ŭ niezdavalniajučym stanie i buduć pieradavacca inviestaram dla restaŭracyi. Infarmacyju ab abjektach možna atrymać u abłasnych vykanaŭčych kamitetach.

Jak dadaŭ u svaju čarhu dekan architekturnaha fakulteta Biełaruskaha nacyjanalnaha techničnaha ŭniviersiteta Armen Sardaraŭ, važna, kab paśla vykanańnia restaŭracyjnych rabot abjekt nie hublaŭ duch daŭniny. Časta vykarystańnie sučasnych budmateryjałaŭ pieratvaraje abjekt u hłamurny. A. Sardaraŭ dadaŭ taksama, što ŭ 2010 hodzie ŭpieršyniu ź ścienaŭ univiersiteta vyjduć dypłamavanyja restaŭratary-architektary. Heta budzie pieršy vypusk u kolkaści 14 čałaviek.

BIEŁTA

Клас
0
Панылы сорам
0
Ха-ха
0
Ого
0
Сумна
0
Абуральна
0