Kaniec śvietu nastupić 21.12.2012. Mahčyma, u 2013. Adnak, kali vyžyviem, zastaniecca čakać na 2060 hod — hetuju datu kanca śvietu nazvaŭ sam Isaak Ńjutan.

 rosenblumtv.wordpress.com

rosenblumtv.wordpress.com

Chiba tolki raniej Apofis udaryć u Ziamlu albo spraŭdzicca praroctva ananimnaha prazorca z Polščy. Toje, što kaniec śvieta kaliści nastupić, heta dakładna.

Padrychtoŭka da apakalipsisu ciahniecca ad pačatku čałaviectva. Psichołahi tłumačać našu schilnaść da viery ŭ chutki kaniec śvietu tym, što ludzi nie mohuć uśviadomić biaskoncaść Suśvietu, i hetaja schilnaść jość u kožnym čałavieku. Najbolš abmiarkoŭvajucca tyja teoryi kanca śvietu, jakija źviazvajuć apakalipsis z kankretnaj dataj.

21.12.2012 — kaniec śvietu pavodle cyvilizacyi Majia

Kalandar Majia skančvajecca na dacie 21 śniežnia 2012 hodu. Čamu dalej ničoha niama? Bo 21 śniežnia 2012 adbuducca źmieny ŭ mahnitnym poli Ziamli, vyklikanyja mahutnym elektramahnitnym vypramieńvańniem Sonca. Takoje bačańnie apisali ŭ knizie «Praroctva Aryjona na 2012 hod» Patryk Hierył i Džyna Racinks. Hierył, jaki niadaŭna naviedvaŭ Polšču, śćviardžaje, što katastrofu pieražyvie kupka ludziej. Sam jon źbirajecca pajechać u Afryku i schavacca ŭ harach.

2013 — kaniec śvietu pavodle NASA

Soniečnaja bura tak mocna skałanie Ziamlu, što źniknie enierhietyčnaja sietka. Pakolki pad upłyvam źjaŭ, jakija majuć svoj pačatak na Soncy, raspłaviacca ŭsie transfarmatary, my zastaniemsia biez elektraenierhii. A heta značyć, što abvalicca pramysłovaść, nie buduć pracavać kamputarnyja sistemy, stanuć niemahčymymi kamunikacyi. Takuju teoryju pradstavili navukoŭcy z NASA i amierykanskaj Nacyjanalnaj akademii navuk, abapirajučysia na vyvučeńnie aktyŭnaści Sonca. Choć jany i nie kažuć pra śmierć čałaviectva, ale zrazumieła adno: kali Sonca budzie siabie pavodzić zhodna ź ich padlikami, Ziamla apyniecca ŭ biadzie.

2036 — kaniec śvietu pavodle piesimistaŭ

Apofis — asteroid, jaki ŭdaryć u Ziamlu. Choć navukoŭcy z NASA tłumačać, što heta niemahčyma, prychilniki teoryi pra kaniec śvietu prasoŭvajuć svoj scenar. Pavodle jaho, kali ŭ 2029 hodzie Apofis budzie blizki da Ziamli, naša arbita moža tak na jaho paŭpłyvać, što adbudziecca katastrofa. Budzie vialiki vybuch, a ŭsia prastora ziamli pahruzicca ŭ ciemru.

2060 — kaniec śvietu pavodle Ńjutana

List Isaaka Ńjutana z 1704 hoda, pakazany na vystavie, arhanizavanaj Jerusalimskim univiersitetam, nie pakinuŭ sumnievaŭ: hienijalny fizik, matematyk, fiłosaf, a taksama daśledčyk Biblii, śćviardžaje, što kaniec śvietu nastupić u 2060 hodzie. Heta śćviardžeńnie jon vyvieŭ praz vyvučeńnie Knihi Daniły sa Staroha Zapavietu. Ńjutan śćvierdziŭ, što kaniec śvietu nastupić praz 1260 hadoŭ paśla pačatku Śviatarnaj Rymskaj impieryi (800 hod n.e. —karanacyja Karła Vialikaha).

16.03.2880 — kaniec śvietu ŭ dalokaj budučyni

(29075) 1950 DA — hety mały asteroid jašče navat nie maje stałaj nazvy, ale moža narabić strachu siarod našych naščadkaŭ. Chacia vierahodnaść taho, što jon sutykniecca ź Ziamloj usiaho 0,33%, za niejkija 800 hadoŭ znojducca tyja, chto nie pavieryć u padliki sučasnych astranomaŭ, Kali, viadoma, kaniec śvietu nie nastupić raniej.

15 žniŭnia, niadziela — kaniec śvietu kožnyja niekalki hadoŭ

Pavodle ananimnaha prazorcy, jaki zapisaŭ svaju teoryju pierad pačatkam Druhoj suśvietnaj vajny, apakalipsis nastupić u hodzie, kali śviata Niebaŭziaćcia Najśviaciejšaj Panny Maryi (15 žniŭnia) prypadzie na niadzielu. Z 1939 hodu takoje supadzieńnie ŭžo nie raz adbyvałasia. Nastupnaje prypadaje na 2010 hod.

Pavodle Newsweek.pl

Клас
0
Панылы сорам
0
Ха-ха
0
Ого
0
Сумна
0
Абуральна
0