U Baranavičach u miascovaha žychara kanfiskavana tysiača adnarazovych indyvidualnych miedycynskich zaścierahalnych masak.

Jak paviedamiŭ staršy inśpiektar hrupy infarmacyi i hramadskich suviaziaŭ Baranavickaha HAUS Natalla Sidzielnik, na vočy supracoŭnikam milicyi i inśpiekcyi Ministerstva pa padatkach i zborach pa horadzie Baranavičy mužčyna trapiŭsia paśla taho, jak na miascovym telebačańni daŭ abjavu ab prodažy tysiačy masak.

11 listapada na adnoj z vulic rajcentra 48‑hadovy niepracujučy žychar horada byŭ zatrymany padčas praviadzieńnia kantrolnaj zakupki 150 masak. Zatym u jaho było zabrana jašče 850 štuk. Mužčyna realizoŭvaŭ ich, nie majučy dziaržaŭnaj rehistracyi.

Baranavickim mižrajonnym adździełam upraŭleńnia departamienta finansavych rasśledavańniaŭ Kamiteta dziaržkantrolu pa Bresckaj vobłaści vyrašajecca pytańnie ab zaviadzieńni kryminalnaj spravy pa č. 2. art. 232 KK (niezakonnaja pradprymalnickaja dziejnaść).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?