Pavodle źviestak Ministerstva achovy zdaroŭja Biełarusi, za čas manitorynhu z maja 2009 h. zarehistravana 165 vypadkaŭ łabaratorna paćvierdžanaha pandemičnaha hrypu A (H1N1).

Za pieryjad epidemičnaha ŭzdymu zachvorvańnia na vostryja reśpiratornyja virusnyja infiekcyi z 19 kastryčnika zarehistravana 139 vypadkaŭ.

Heta składaje 0,03% ad ahulnaj kolkaści chvorych na vostryja reśpiratornyja virusnyja infiekcyi i hryp.

Na 9 listapada ŭ Biełarusi pavodle źviestak Respublikanskaha navukova‑praktyčnaha centra epidemijałohii i mikrabijałohii było zarehistravana 128 łabaratorna paćvierdžanych vypadkaŭ zachvorvańnia, vyklikanych virusam hrypu A (H1N1). 8 listapada namieśnik ministra achovy zdaroŭja, hałoŭny sanitarny lekar Valancina Kačan paviedamiła, što ŭ krainie zafiksavana 102 takija vypadki. Pavodle aficyjnych źviestak (na 4 listapada), z pačatku ŭzdymu zachvorvańnia na 19 kastryčnika ad pnieŭmanii ŭ Biełarusi pamierli 19 čałaviek, u siami ź ich łabaratorna paćvierdžana najaŭnaść virusu hrypu A (H1N1).

Ministerstva achovy zdaroŭja padkreślivaje, što manitorynh zachvorvańnia na vostryja reśpiratornyja virusnyja infiekcyi śviedčyć ab źnižeńni zachvorvańnia. 11 listapada ŭ paraŭnańni z 10 listapada było adznačana źnižeńnie kolkaści zvarotaŭ na VRVI na 29,2% (siarod dziaciej — na 32,9%, siarod darosłych — na 26,8%).

Pavodle viedamstva, suprać siezonnaha hrypu pryščeplena 100% ludziej, jakija adnosiacca da hrupie ryzyki (883.090 čałaviek). Praciahvajecca vakcynacyja za košt miascovych biudžetaŭ, srodkaŭ pradpryjemstvaŭ i asabistych srodkaŭ hramadzian.

Z metaj papiaredžańnia dalejšaha ŭklučeńnia ŭ epidemičny praces dziaciej rašeńniem miascovych orhanaŭ ułady pa ŭzhadnieńni ź Ministerstvam achovy zdaroŭja prypynieny navučalny praces u 1.477 škołach i siarednich śpiecyjalnych ustanovach, adnoŭlenyja zaniatki ŭ 571 ustanovie adukacyi.

Ministerstva achovy zdaroŭja adznačaje, što «na siońniašni dzień nazirajecca značnaje pamianšeńnie patoku pakupnikoŭ u aptekach krainy».

Pa stanie na 11 listapada, na aptečnych składach majucca ŭ najaŭnaści supraćvirusnyja preparaty «arpietoł», «remantadzin», aksalinavaja maź.

BiełaPAN

Va Ukrainie łabaratorna paćvierdžana 85 vypadkaŭ zachvorvańnia pandemičnym hrypam A/H1N1, u tym liku 16 - śmiarotnych vypadkaŭ.
Клас
0
Панылы сорам
0
Ха-ха
0
Ого
0
Сумна
0
Абуральна
0