U Minsku pačaŭsia Biełaruski inviestycyjny-ekanamičny forum.
U jaho ramkach projdzie šostaje plenarnaje pasiedžańnie Kansultatyŭnaha savieta pa zamiežnych inviestycyjach pry Saviecie Ministraŭ Biełarusi.

Na forum źjechalisia pradstaŭniki dziesiatkaŭ zamiežnych kampanij, jakija majuć intares u supracoŭnictvie ź biełaruskimi pradpryjemstvami. Ahułam u forumie biaruć udzieł 600 delehataŭ z 60 krain śvietu. Dla ich buduć pradstaŭlenyja bolš za 100 inviestycyjnych prajektaŭ.

Haściej foruma adrazu ž sustrakajuć makiety najbujniejšych ź ich — AES i «Minsk-sici».

Na sustreču z zamiežnymi biznesoŭcami pryjšli ŭpłyvovyja biełaruskija čynoŭniki — prem'jer-ministr Biełarusi Siarhiej Sidorski, vice-premjer Andrej Kabiakoŭ, namieśnik ministra ekanomiki Andrej Tur.

Vyjaviłasia, što dla častki zaprošanych haściej nie chapiła kresłaŭ u zale, tamu

Andrej Kabiakoŭ prapanavaŭ delehatam słuchać plenarnaje pasiedžańnie ŭ kalidorach Nacyjanalnaj biblijateki.
Mienavita hety budynak byŭ abrany dla praviadzieńnia mierapryjemstva. Biznesoŭcy vyrašyli słuchać pasiedžańnie stojačy.

Z ustupnym słovam da ŭdzielnikaŭ foruma źviarnuŭsia prem'jer-ministr Biełarusi Siarhiej Sidorski:

«Naš łozunh — inviestujcie ŭ Biełaruś!»,
 — pačaŭ Sidorski. «Biełaruś pa adkrytaści ekanomiki źjaŭlajecca lideram siarod krain SND, — pachvaliŭsia prem'jer-ministr.

Pa jaho słovach, u bližejšy čas banki Italii pavialičać kolkaść kredytaŭ Biełarusi.

Sidorski raskazaŭ pra ekanamičnaje stanovišča Biełarusi, akcentujučy ŭvahu na pryvabnych dla inviestaraŭ pakazalnikach: «U 2009 hodzie VUP Biełarusi nie pamienšycca ŭ paraŭnańni ź minułym hodam». Razmova pra rost VUP, vidać, užo nie idzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?