Siońnia ranicaj pracy pa demantažy doma 24-a pa vulicy Revalucyjnaj u Minsku byli spynienyja. Vystvieliłasia, što ŭładalniki doma nie mieli aficyjnaha dazvołu ad Ministerstva kultury na znos budynka takim sposabam.

Adnak heta nie aznačaje, što budynak možna budzie vyratavać, tłumačyć Anton Astapovič, staršynia Biełaruskaha dobraachvotnaha tavarystva achovy pomnikaŭ historyi i kultury:

«Pa hetym budynku sprava viadziecca z 2004 hoda. U 2008 hodzie było praviedziena kompleksnaje navukovaje daśledavańnie «Centram pa rehienieracyi historyka‑kulturnych łandšaftaŭ i terytoryjaŭ».

Uratavać budynak całkam nie ŭdasca, bo jon 5‑j katehoryi avaryjnaści».

Anton Astapovič kaža, što rašeńnie pra demantaž budynka ŭručnuju było pryniata na padstavie rašeńnia navukova‑mietadyčnaj rady. Potym dom pavinien być adnoŭleny z vykarystańniem materyjałaŭ razabranaha budynka.

«Ja siońnia ranicaj byŭ na abjekcie, raboty svoječasova prypynieny. Zaraz budziem damahacca, kab sprava była pierahledžana, h.zn. kab budynak byŭ demantavany ŭručnuju, a materyjały potym vykarystanyja padčas adnaŭleńnia», ‑ kaža Astapovič.

Jak paviedamlałasia raniej, na ścienach doma zachavalisia rośpisy. Krajaznaŭca ličyć, što ich technična niemahčyma daśledavać, a tym bolš vyznačyć mastacka‑estetyčnuju vartaść.

«Tam zastalisia małyja frahmienty. U pieršuju čarhu z pryčyny taho, što ŭ 1950-jadom źviedaŭ poŭnuju pierapłaniroŭku. I byŭ na 80% źmienieny jaho vyhlad u paraŭnańni z XIX st.», ‑‑ miarkuje Anton Astapovič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?