Ministerstva infarmacyi nie zarehistravała jašče adnu niedziaržaŭnuju hazietu hramadska‑palityčnaj tematyki — jak minimum šostuju pa liku za apošnija try miesiacy. 10 listapada zasnavalnik rehijanalnaj haziety «Prefiekt plus» (h. Hłybokaje, Viciebskaja vobłaść) atrymaŭ nazad dakumienty, nakiravanyja 7 kastryčnika ŭ ministerstva dla dziaržaŭnaj rehistracyi.

Dakumienty viernutyja z toj pryčyny, što jurydyčnaja asoba (pryvatnaje vydaviecka‑rekłamnaje ŭnitarnaje pradpryjemstva «Prefiekt‑info»), na jakuju ŭskładzienyja funkcyi redakcyi haziety «Prefiekt plus», zarehistravanaja ŭ žyłym pamiaškańni, — paviedamlajecca ŭ aficyjnym liście ad 6 listapada za podpisam namieśnicy ministra infarmacyi Lilii Ananič. «Vypusk ža haziety praduhledžvaje ažyćciaŭleńnie redakcyjnaj vytvorčaj dziejnaści», — davodzić čynoŭnica.

Ł. Ananič spasyłajecca na p.5 Pałažeńnia ab dziaržaŭnaj rehistracyi subjektaŭ haspadarańnia, zaćvierdžanaha Dekretam prezidenta № 1 ad 16.01. 2009 h. «Ab dziaržaŭnaj rehistracyi i likvidacyi subjektaŭ haspadarańnia». U dakumiencie vyznačana, što ažyćciaŭleńnie vytvorčaj dziejnaści vymahaje pieravodu žyłoha pamiaškańnia ŭ niežyły fond.

Adnačasova ŭ vydaviectva «Prefiekt‑info» ŭźnikła prablema ź jurydyčnym adrasam

užo zarehistravanaj raniej (28 žniŭnia 2009 h.) u hetym ža žyłym pamiaškańni adnajmiennaj rekłamnaj haziety («Prefiekt‑info»). Zaraz ministerstva prapanuje ŭ miesiačny termin «pryniać vyznačanyja zakanadaŭstvam miery pa raźmiaščeńni redakcyi hetaha drukavanaha srodku masavaj infarmacyi ŭ niežyłym pamiaškańni».

«U pryncypie, my byli maralna hatovyja da taho, što ŭźniknuć jakija‑niebudź prablemy z rehistracyjaj, i budziem zaraz sprabavać ich vyrašać. Ščyra kažučy, my b ździvilisia, kali b hazietu adrazu zarehistravali», — zaznačyŭ u hutarcy z BAŽ dyrektar vydavieckaha pradpryjemstva «Prefiekt‑info» Jarasłaŭ Biernikovič.

Z pačatku vieraśnia heta hoda Ministerstva infarmacyi nie zarehistravała rehijanalnyja haziety «Solihorsk plus», «Novuju hazietu Bobrujska», «Mahiloŭski čas», «Marjinahorskuju» i jašče niekatoryja ŚMI, zasnavalniki jakich nie pažadali być zhadanymi ŭ presie.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?