Šaścirazovy čempijon Biełarusi pa futbole barysaŭski BATE nie voźmie ŭdziełu ŭ tradycyjnym štohadovym turniry «Kubak čempijonaŭ Sadružnaści», jaki projdzie ŭ studzieni 2010 hoda ŭ Maskvie.

Heta tłumačycca poźnim skančeńniem siezona i nieabchodnaściu pradastavić adpačynak hulcam i trenieram kłuba, paviedamlaje sajt BATE, nahadvajučy, što kamanda hulaje ŭ Lizie Jeŭropy i svoj apošni matč hrupavoha turniru praviadzie 17 śniežnia suprać anhlijskaha «Eviertana».

Darečy, admoviŭsia ad udziełu ŭ sioletnim turniry i małdaŭski «Šeryf», jaki taksama hulaje ŭ hrupavym turniry Lihi Jeŭropy.

U studzieni 2009 h. BATE taksama nie braŭ udziełu ŭ «Kubku čempijonaŭ Sadružnaści», admoviłasia ad udziełu ŭ turniry i minskaje «Dynama», jakoje finišavała ŭ siezonie‑2008 na druhim miescy ŭ čempijanacie krainy.

Biełaruś u Maskvie ŭ studzieni 2009 h. pradstaŭlaŭ bronzavy pryzior taho siezona staličny MTZ‑RIPA.

MTZ‑RIPA vyjšaŭ u čverćfinał, dzie prajhraŭ kazachskamu «Aktabe» — 1:4.

A ŭ 2008 h. BATE dajšoŭ da paŭfinału, dzie prajhraŭ budučamu pieramožcu turniru lenkarańskamu «Chazaru» — 1:2. U 2007 h. BATE dajšoŭ da čverćfinała turniru.

***

Chto zamienić barysaŭčan hetym razam i ci budzie pradstaŭnik Biełarusi ŭdzielničać naohuł, pakul nieviadoma, dadaje BiełaPAN sa spasyłkaj na pres‑słužbu Biełaruskaj fiederacyi futboła.

U hetym siezonie Rasijski futbolny sajuz unios źmianieńnie ŭ rehłamient, zhodna ź jakim na matčy KČS zabaraniajecca vystaŭlać nie asnoŭny skład.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?