Apteki pa‑raniejšamu nie ŭ stanie zadavolić pavyšany popyt.

Pra heta śviedčyć praviedzienaje BiełaPAN apytańnie dziaržaŭnych i pryvatnych aptek Minska.

Pa stanie na 13 hadzin 12 listapada ŭ aptekach stalicy

naziraŭsia vostry deficyt supraćvirusnych lekaŭ.

U šerahu dziaržaŭnych aptek RUP «Biełfarmacyja» paviedamili, što «Arpietoł» i aksalinavaja maź pastupili siońnia ranicaj i byli raskupleny za niekalki hadzin. Tak, u aptecy «Biełfarmacyi» №19 adznačyli, što było pradadziena kala 400 upakovak «Arpietoła». Nastupnuju partyju lekaŭ tut čakajuć da kanca siońniašniaha dnia abo zaŭtra.

Pry hetym u kamiercyjnyja apteki ni «Arpietoł», ni aksalinavaja maź nie pastupali naohuł.

Farmaceŭty rajać źviartacca pa hetyja lekavyja srodki ŭ dziaržaŭnuju aptečnuju sietku abo pačakać niekalki dzion.

Jak paviedamlałasia raniej, na minułym tydni RUP «Biełfarmacyja» nakiravała ŭ kancern «Biełbijafarm» list z prośbaj pavialičyć vytvorčaść šerahu supraćhrypoznych srodkaŭ u suviazi z pavyšanym popytam na hetyja preparaty. Pradstaŭniki kancerna zapeŭnivali, što farmaceŭtyčnaja pramysłovaść hatova poŭnaściu zadavolić hety zapyt.

Jak paviedamlaje aficyjny sajt Ministerstva achovy zdaroŭja, ciapier «nazirajecca značnaje pamianšeńnie patoku pakupnikoŭ u aptekach krainy».

Pa stanie na 11 listapada, pavodle infarmacyi ministerstva, na aptečnych składach byli ŭ najaŭnaści takija supraćvirusnyja preparaty, jak «Arpietoł», «Remantadzin», aksalinavaja maź.

Alena Spasiuk, BiełaPAN

Клас
0
Панылы сорам
0
Ха-ха
0
Ого
0
Сумна
0
Абуральна
0