Vadamat sa śvianconaj vadoj u italijskim kaściole

Vadamat sa śvianconaj vadoj u italijskim kaściole

U katalickaj Italii tamtejšy vynachodnik adšukaŭ vydatny sposab pilnavacca tradycyjaŭ va ŭmovach śvinoj pošaści, vyštukavaŭšy aŭtamat, što vydaje aśviečanuju vadu dla amavieńnia.

Jak viadoma, pry ŭvachodzie ŭ kaścioł pabažnyja vierniki amyvajuć ruki ŭ admysłovaj jomistaści, adnak za ciapierašnim śvietam, kali lutuje śmiartelnaja chvaroba, taja jomistaść u kaściołach amal nie vykarystoŭvajecca.

Raźviazańnie prablemy znajšłosia ŭ Łučana Mierabiese, žychara paŭnočnaitalijskaha horadu Fornaci di Bryjoska. Pa ščyraści, u jahonym vynachodstvie niama ničoha revalucyjnaha: vy padnosicie da aŭtamatu, asnaščanaha datčykami, ruki, i na ich lijecca śviečanaja śviatarom vada.

«Heta aby-jakaja navinka i ludzi doŭha pryvykali da hetaha prystasovu, — kaža ksiondz Firandžeła Mota, — na pieršym časie jany dzivilisia aŭtamatu, ale potym mocna ŭpadabali jaho».

Vynachodnik kaža, što zrabiŭ svajo udaskanaleńnie adno kab abranić kaściolnyja tradycyi, ale pa časie vyśvietliłasia, što jaho praca mieła taksama kamiercyjny bok: paśla pieršych paviedamleńniaŭ pra hrypoznuju navału popyt na vadamat skoknuŭ u nadchmarji. Ciapier zamovy na prystasoŭ strumieniacca nie tolki ad inšych kaściołnych hramadaŭ Italii, a navat ad zamiežnikaŭ.

Pavodle «Rejtars» na siońniašni dzień u Italii ad hrypu H1N1 pamiorła 15 čałaviek.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?