Vieranika Kryłova pościć fota z Fłarydy

Vieranika Kryłova pościć fota z Fłarydy

U Pružanach Vieranika Kryłova zajmała pasadu kiraŭnika Dziciačaj škoły mastactvaŭ imia Šyrmy.

Jaje imia źviazvajuć z represijami z-za dvuch vypadkaŭ.

U škole mastactvaŭ pracavała prybiralščycaj Ludmiła Caranu. Uletku 2020 hoda jana ŭdzielničała ŭ łancuhach salidarnaści. 6 maja 2021-ha žančynu asudzili na 1,5 hoda chatniaj chimii za repost zapisu ab miascovym učastkovym. Ludmiłu sudzili pa artykule 188 Kryminalnaha kodeksa (paklop).

Padčas znachodžańnia na chatniaj chimii načalnica Kryłova, pa słovach Caranu, prymušała jaje padpisać zajavu na zvalnieńnie pa damovie bakoŭ. Mahčyma, taki cisk jana ažyćciaŭlała pa ŭkazańni źvierchu.

Nastupstvam takoha zvalnieńnia mahła być zamiena pryznačanaha pakarańnia na bolš strohaje — pazbaŭleńnie voli (artykuł 55 Kryminalnaha kodeksa).

Kryłova vypisała na padnačalenuju dva dyscyplinarnyja spahnańni — za niedastatkovy kantrol za dyscyplinaj (u vyniku čaho dzieci paškodzili trubu ŭ prybiralni) i za adsutnaść zapisu ŭ knizie ŭliku pracoŭnaha času. Ale ŭ abaviazki prybiralščycy nie ŭvachodzić kantrol za dyscyplinaj navučencaŭ na pierapynkach (zhodna z pastanovaj Ministerstva pracy i sacyjalnaj abarony ad 08.10.2020 №83).

Dakumient za podpisam Kryłovaj ab nakładańni dyscyplinarnaha spahnańnia ad 19.01.2022 na Ludmiłu Caranu

Dakumient za podpisam Kryłovaj ab nakładańni dyscyplinarnaha spahnańnia ad 19.01.2022 na Ludmiłu Caranu

Dakumient za podpisam Kryłovaj ab nakładańni dyscyplinarnaha spahnańnia ad 27.01.2022 na Ludmiłu Caranu

Dakumient za podpisam Kryłovaj ab nakładańni dyscyplinarnaha spahnańnia ad 27.01.2022 na Ludmiłu Caranu

«Padčas adbyvańnia pakarańnia — z 07.07.2021 pa 07.01.2023 — Kryłova ŭžyvała ŭ adnosinach da mianie psichałahičny i maralny cisk, prymušała mianie zvolnicca pa ŭłasnym žadańni. Paśla majoj admovy vyniesła mnie vymovu i spahnańnie, kab zvolnić pa artykule. Jaje sistematyčny cisk na mianie pryvioŭ da taho, što ja ad rospačy sprabavała skončyć žyćcio samahubstvam. Bolš za miesiac ja praviała ŭ dyspansiery [psichičnaha zdaroŭja] «Mahiloŭcy». Ciapier jašče prachodžu lačeńnie ad depresii ciažkaj formy. Dziakujučy dapamozie «Bajsoł», ja była evakuiravana ź Biełarusi i ciapier znachodžusia ŭ biaśpiecy», — napisała Ludmiła Caranu ŭ liście da žurnalistaŭ i pravaabaroncaŭ.

List Ludmiły Caranu da žurnalistaŭ i pravaabaroncaŭ

List Ludmiły Caranu da žurnalistaŭ i pravaabaroncaŭ

Taksama Vieranika Kryłova prachodziła jak paciarpiełaja pa spravie palitviaźniavolenaha hitarysta «Krambambuli» Uładzisłava Pluščava.

Usiaho pa spravie pryznali paciarpiełymi 43 čałavieki.

Muzyku abvinavacili pa troch artykułach Kryminalnaha kodeksa: art. 369 (źniavaha pradstaŭnika ŭłady), art. 188 (paklop), č. 3 art. 203-1 (niezakonnyja dziejańni ŭ adnosinach da infarmacyi ab pryvatnym žyćci i piersanalnych danych).

Uładzisłavu prysudzili try hady pazbaŭleńnia voli ŭ kałonii va ŭmovach ahulnaha režymu.

Jak stała viadoma «Našaj Nivie», ciapier Vieranika Kryłova žyvie ŭ štacie Fłaryda. U fejsbuku žančyny paznačany horad Sani-Ajłs-Bič, jaki prazvali «maleńkaj Maskvoj», bo tam šmat ruskamoŭnych.

Vieranika Kryłova. Fota: sacsietki

Vieranika Kryłova. Fota: sacsietki

Sioleta meram Sani-Ajłs-Bič stała emihrantka ź Biełarusi Łarysa Śviečyn.

Inšyja sacsietki — staronka «UKantakcie», a taksama instahram — u Vieraniki Kryłovaj zakrytyja. 

Skryn z sacsietak

Skryn z sacsietak

«Naša Niva» źviarnułasia da Vieraniki Kryłovaj u sacsietkach z prośbaj prakamientavać jaje pierajezd u ZŠA, ale na momant publikacyi adkazu ad jaje nie atrymała. 

Miarkujučy pa fejsbuku, u ZŠA Vieranika Kryłova pierajechała ŭ kancy lutaha 2023-ha. Pa infarmacyi «Našaj Nivy», jana mahła cikavicca tym, jak atrymać u ZŠA palityčny prytułak. U Amierycy ŭ jaje, nakolki viadoma, žyvie dačka.

Łukašenkaŭcy pry hetym malujuć ZŠA jak centr suśvietnaha zła, krainu, jakaja dehraduje i dzie prostyja ludzi žyvuć usio horš.

Čytajcie taksama: 

Muzyku «Krambambuli» Uładzisłavu Pluščavu prysudzili dva hady kałonii

Palitźniavolenaja Łarysa Kuźmienka vyjšła na volu. U jaje była kłaŭstrafobija

Kolki palitviaźniaŭ pamierła ci źviało rachunki z žyćciom praź nievynosnyja ŭmovy za kratami

Byłoha presavaha sakratara Kupałaŭskaha teatra dapytvali pa spravie «ab dziaržzdradzie»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?