Aficyjnaja emblema Polskaha dobraachvotnickaha korpusa (PDK), jakaja simvalizuje «Husaraŭ śmierci» — polski kavaleryjski eskadron, jaki abaraniaŭ Polšču ad balšavikoŭ u 1920 hodzie. Fota: telehram-kanał Polski Korpus Ochotniczy

Aficyjnaja emblema Polskaha dobraachvotnickaha korpusa (PDK), jakaja simvalizuje «Husaraŭ śmierci» — polski kavaleryjski eskadron, jaki abaraniaŭ Polšču ad balšavikoŭ u 1920 hodzie. Fota: telehram-kanał Polski Korpus Ochotniczy

Va Ukrainie aficyjna ŭstupiŭ u vajennyja dziejańni Polski dobraachvotnicki korpus (PDK) — asobnaje dyviersijna-vyviedvalnaje śpiecpadraździaleńnie, jakoje składajecca ź vieteranaŭ Uzbrojenych sił Polščy i inšych polskich dobraachvotnikaŭ, jakija da hetaha vajavali ŭ składzie inšych ukrainskich farmavańniaŭ.

Pra pačatak svajoj dziejnaści PDK paviedamiŭ 10 maja ŭ telehram-kanale.

U svaim paviedamleńni polskija dobraachvotniki raspaviali pra pieršaje paśpiachovaje bajavoje zadańnie na arechaŭskim napramku ŭ Zaparožskaj vobłaści Ukrainy, padčas jakoha nie panieśli nijakich strat. 

«Apieracyja pravodziłasia sumiesna z USU i bajcami Ruskaha dobraachvotnickaha korpusa (RDK). Zadača była vykanana z honaram i biez strat. Heta było naša pieršaje zadańnie, i našy chłopcy byli vysoka acenieny kamandavańniem», — raskazali polskija dobraachvotniki.

Bajcy Polskaha dobraachvotnickaha korpusa na zaparožskim napramku. Fota: telehram-kanał Polski Korpus Ochotniczy

Bajcy Polskaha dobraachvotnickaha korpusa na zaparožskim napramku. Fota: telehram-kanał Polski Korpus Ochotniczy

Taksama bajcy PDK dziejničajuć i pad Bachmutam, pra što pakul u korpusie vyrašyli nie raskryvać padrabiaznaściaŭ. 

Nahadajem, što jašče ŭ lutym źjaviłasia infarmacyja ab płanach stvareńnia asobnaha polskaha śpiecpadraździaleńnia va Ukrainie, jakoje było b padobnaje pa svaim charaktary da biełaruskaha pałka Kalinoŭskaha.

Kolki čałaviek ustupiła ŭ korpus, nie paviedamlajecca.

Čytajcie taksama:

Ukrainski kontrnastup: jak jon paŭpłyvaje na Biełaruś i ci źjavicca ŭ Łukašenki šans prajavić samastojnaść?

Ukraina pahružaje Rasiju ŭ «tuman vajny», ukraincy vialikija majstry ŭ hetym — Le Monde

ZŠA daduć Polščy bajavyja viertaloty Apache

Клас
11
Панылы сорам
2
Ха-ха
0
Ого
0
Сумна
0
Абуральна
1

Chočaš padzialicca važnaj infarmacyjaj ananimna i kanfidencyjna?