Aryna Sabalenka

Aryna Sabalenka. Foto: Rob Prange / Keystone Press Agency

Druhaja rakietka śvietu Aryna Sabalenka ŭ startavym matčy (1/32 finału) turniru WTA-1000 u Rymie paciarpieła parazu ad amierykanki Safii Kienin, jakaja ŭ rejtynhu WTA zajmaje 134-ju pazicyju.

«Ja vymatana. Mnie adznačna patrebna padzaradka», — prakamientavała Sabalenka parazu ŭ svaim akaŭncie ŭ tvitary.

Na praciahu pieršaj partyi biełaruska ŭvieś čas była ŭ roli dahaniajučaj. Los seta, jaki doŭžyŭsia bolš za hadzinu, vyrašyŭsia na taj-brejku, jaki amierykanka vyjhrała. U druhim secie daminavańnie pradstaŭnicy ZŠA było tatalnym.

Suśvietnyja ŚMI adreahavali na parazu biełaruskaj tenisistki bieskampramisnymi zahałoŭkami, piša Onet.pl.

Tak, italjanski intermagazine.eu paviedamiŭ pra vynik Sabalenka ŭ karotkaj natatcy pad nazvaj «Padzieńnie zorki ŭ Rymie». «Nakaŭt Sabalenka» — tak nazvała svoj artykuł italjanskaje infarmahienctva Ansa, paśla čaho taksama acharaktaryzavała parazu jak padzieńnie viadučaj tenisistki śvietu.

Ispanski sajt bolamarilla.com adznačyŭ, što Safija Kienin naniesła «ŭdar dnia», dadaŭšy, što amierykanka pakazała vydatny tenis.

Niamiecki sajt tennisaktuell.de napisaŭ: «Safija Kienin naniesła parazu Arynie Sabalenka». Aŭtar tekstu adznačyŭ, što hałoŭnaj prablemaj biełaruski ŭ matčy stała vielmi drennaja hulnia paśla svajoj padačy.

Aficyjny sajt WTA nazvaŭ tekst «Kienin nakaŭtavała Sabalenka ŭ druhim raŭndzie». Servis paviedamlaje, što amierykanka ŭpieršyniu za try hady atrymała pieramohu nad tenisistkaj ź pieršaj «dziasiatki».

Heta nie adzinaja siensacyja čaćviarha — pierad matčam pamiž Kienin i Sabalenka jašče adna topavaja tenisistka, «treciaja rakietka» Džesika Piehuła prajhrała ŭ troch setach Tejłar Taŭnsend, jakaja zajmaje ŭ rejtynhu WTA 168 miesca, i vybyła z turniru.

Čytajcie jašče:

Aryna Sabalenka: Łukašenka moža kamientavać što choča, a ja prosta spartsmienka ź Biełarusi

Aryna Sabalenka nie razumieje, za što jaje nienavidziać ukrainki

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?