Sudździa Dźmitryj Karsiuk pryznačyŭ Janie dva hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaja chimija»).
Dziaŭčynu zatrymali 6 krasavika 2023 hoda. Da suda jaje ŭtrymlivali pad vartaj.
Jana Cehła — piśmieńnica, aŭtarka kazak. Skončyła histaryčny fakultet BDU. Vučyłasia ŭ litaraturnaj škole Adama Hłobusa. Apošni hod dziaŭčyna pracavała ŭ LiMie («Litaratura i mastactva») žurnalistkaj. Jana zasnavała časopis maładoha biełaruskaha mastactva «Maskarad», piša «Viasna».
