Dźmitryj Sarokin. Fota: «Ukantakcie»
Dźmitryju Sarokinu było 37 hadoŭ. Rodam jon ź Lidy.
Vučyŭsia spačatku ŭ Lidskim techničnym kaledžy na technika-miechanika, a paśla ŭ Instytucie parłamientaryzmu i pradprymalnictva na dakumientaznaŭcu. Pracavaŭ u roznych miescach: mierčandajzieram u kramie «Jeŭrašop», dyzajnieram u drukarni, mastakom-kanstruktaram na vytvorčaści kukuruznych pałačak i ŭ słužbie achovy budaŭničaj kampanii. Uviesnu znoŭku pačaŭ šukać pracu.
Dźmitryj Sarokin byŭ paetam. Jon pisaŭ vieršy, jakija publikavaŭ u svajoj supołcy «Ukantakcie» i mieŭ adzin vydadzieny paetyčny zbornik, jaki nazyvaŭsia «Niechta nadta…» («Kto-to očień…»). Mužčyna rehularna ładziŭ tvorčyja imprezy ŭ rodnaj Lidzie, udzielničaŭ u miascovych fiestyvalach sučasnaha mastactva.
Zbornik Dźmitryja Sarokina, jaki vyjšaŭ u andehraŭndnym lidskim vydaviectvie «Biblijateka Žuvisa»
Niekalki hadoŭ tamu ŭ mužčyny pamierli baćki. Znajomyja kažuć, što paśla hetaha ŭ jaho byli prablemy z ałkaholem, ale paźniej jon zaviazaŭ.
Jak piša «Radyjo Svaboda», Dźmitryj byŭ nie žanaty i dziaciej nie mieŭ.
«Na moj pohlad, jon byŭ vielmi talenavity, samy lepšy ŭ Lidzie paet, sapraŭdny andehraŭnd. Byŭ vielmi intelihientny, načytany, kiemlivy, dobry čałaviek. Ale vielmi samotny. Sapraŭdnych siabroŭ jon mieŭ mała. Sam nikoli na tusoŭki nie naprošvaŭsia», — raskazaŭ «Radyjo Svaboda» siabra Źmitra.
Nieviadoma, za što jon apynuŭsia ŭ RAUS. Pa źviestkach surazmoŭcaŭ «Radyjo Svaboda», ciapierašniaje zatrymańnie «nie było źviazana z palitykaj, byli pobytavyja pryčyny», a pamior Sarokin praz prablemy z sercam. Surazmoviec «Našaj Nivy», naadvarot, miarkuje, što małaimavierna, što tolki stan zdaroŭja staŭ pryčynaj śmierci.
Nakolki viadoma, dniom cieła jašče nie addali.
U 2023 hodzie siłaviki zapisvali ź im videa.
Pachavańnie Dźmitryja Sarokina adbudziecca 6 červienia ŭ Lidzie.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
U Lidskim RAUS pamior 37-hadovy paet
