Andrej Ivaniec staić pa struncy pierad Łukašenkam 6 červienia 2023 hoda. Fota: BiełTA
Ustupnaja kampanija projdzie pa tych praviłach, jakija byli vyznačanyja letaś. Pra heta raskazaŭ žurnalistam ministr adukacyi Andrej Ivaniec paśla narady ŭ Łukašenki, piša BiełTA.
«Łukašenkam pastaŭlenaja dakładnaja, jasnaja zadača pravieści hetuju ŭstupnuju kampaniju pa tych praviłach, jakija byli vyznačanyja ŭ minułym hodzie, daviedzienyja da hramadskaści», — skazaŭ ministr.
Razam z tym vosieńniu Ministerstva adukacyi praanalizuje vyniki ŭstupnaj kampanii i pa vynikach budzie prymie rašeńnie, u jakim kirunku ruchacca dalej.
«Taja kolkaść navacyj, jakuju sioleta my aprabujem (heta nie tolki pytańnie praviadzieńnia centralizavanaha ekzamienu, heta i asablivy paradak pryjomu metavikoŭ, kali jany zdajuć unutrany vusny ekzamien, heta pašyrany nabor adoranych, talenavitych dziaciej, jakija stali pieramožcami nie tolki respublikanskich, mižnarodnych pradmietnych alimpijad, ale i ŭniviersiteckich, jakija prajšli va ŭsich rehijanalnych VNU, heta vypuskniki Nacyjanalnaha dziciačaha technaparka), viadoma, patrabuje surjoznaha analizu», — adznačyŭ Andrej Ivaniec.
«Łukašenka daŭ usim vyrazny i jasny pasył: sistema adukacyi pavinna być zrazumiełaj, prazrystaj, pryncypy spraviadlivaści i roŭnych umoŭ musiać być vytrymanyja dla ŭsich: i dla navučencaŭ, i dla baćkoŭ», — padkreśliŭ ministr.
Čytajcie taksama:
Pryznačany daty centralizavanaha teściravańnia ŭ 2023 hodzie
Paciešna hladzieć jak jany za stałom usio ŭstajuć pierad ahrafiureram. Vartyja žalu biazvolnyja biezynicyjatyŭnyja prykarytniki