Avaryja adbyłasia ŭ čaćvier 22 červienia kala 17:40 na 93-m kiłamietry darohi M-8 Miaža Rasijskaj Fiederacyi — Viciebsk — Homiel.

«Kiroŭca aŭtobusa Neoplan, pavodle papiaredniaj infarmacyi, ździejśniŭ spadarožnaje sutyknieńnie z krasovieram Nissan, jaki spyniŭsia na skryžavańni dla levaha pavarotu», — paviedamili ŭ DAI.

Taksama tam udakładnili, što ad udaru aŭtobus źjechaŭ u kiuviet, dzie pierakuliŭsia. U momant DTZ u sałonie znachodzilisia 50 turystaŭ.

Pa infarmacyi Centra miedycynskaha reahavańnia Ministerstva achovy zdaroŭja, na miesca vyjechali šeść bryhad chutkaj dapamohi. Pa dapamohu paśla DTZ źviarnulisia 17 čałaviek, jakija ad špitalizacyi spačatku admovilisia. Adnak adnosna špitalizacyi niekatorych pasažyraŭ nastojvali miedyki, tamu ŭ balnicu chutkaj miedycynskaj dapamohi Viciebska dastavili čatyroch čałaviek, u tym liku 16-hadovaha padletka, a ŭ abłasnuju balnicu — siem turystaŭ, uklučajučy 12-hadovaje dzicia.

Čytajcie taksama:

Źjaviłasia VIDEA ź miesca padzieńnia, imavierna, rasijskaha vajskovaha viertalota pad Baranavičami

U Čavusach hareŭ cech «Babulinaj krynki», zahinuŭ hałoŭny inžynier

U DTZ pad Pinskam naśmierć raźbiŭsia žychar Hiermanii

Клас
0
Панылы сорам
0
Ха-ха
0
Ого
1
Сумна
5
Абуральна
1