Uładzimir Pucin abdymaje nieznajomuju dziaŭčynku ŭ Dzierbiencie, jakaja paprasiła ź im sfatahrafavacca. Fota: Gavriil Grigorov, Sputnik, Kremlin Pool Photo via AR

Uładzimir Pucin abdymaje nieznajomuju dziaŭčynku ŭ Dzierbiencie, jakaja paprasiła ź im sfatahrafavacca. Fota: Gavriil Grigorov, Sputnik, Kremlin Pool Photo via AR

U dačynieńni da Uładzimira Pucina dziejničaje asoby režym epidemijałahičnaj biaśpieki, ale jon nie zmoh admović žycharam Dzierbienta ŭ pryvitańni, patłumačyŭ Dźmitryj Piaskoŭ.

«Z adnaho boku, jość nastojlivyja rekamiendacyi śpiecyjalistaŭ, ale z druhoha boku, jość ćviordaje rašeńnie prezidenta, kali jon nie moh admović hetym ludziam u tym, kab nie pavitać ich. Takoje byvaje», — skazaŭ Piaskoŭ. Pavodle pres-sakratara Pucina, «litaralna ŭvieś horad vyjšaŭ sustrakać prezidenta».

Kreml apublikavaŭ videa, na jakim kiraŭnik Rasii padychodzić da natoŭpu žycharoŭ u Dzierbiencie. U natoŭpie — zachapleńnie.

Z pačatku pandemii kavidu Pucin paźbiahaŭ asabistych kantaktaŭ. Žurnalistaŭ pierad sustrečaj z prezidentam RF sadžali na karancin, a na pieramovach Pucina z prezidentam Francyi pastavili čatyrochmietrovy stoł.

Jašče dva tydni tamu pierad sustrečaj z Pucinym vajennych prapahandystaŭ prymusili tydzień siadzieć na karancinie. Pra heta paviedamili sami ŭdzielniki sustrečy: aŭtarka telehram-kanała «Katrusia» Kaciaryna Ahranovič i «vajenkar» Alaksandr Sładkoŭ, jakija ŭdziali ŭdzieł u mierapryjemstvie.

«Mnie vielmi spadabaŭsia karancin, bo možna było siem dzion siadzieć i nikudy nie chadzić», — napisała Ahranovič.

Na karancin udzielnikaŭ sustreč z Pucinym adpraŭlajuć z pačatku pandemii karanavirusa ŭ 2020 hodzie. Pieršapačatkova termin izalacyi składaŭ dva tydni, ale potym jaho skaracili da adnaho. Aproč znachodžańnia na karancinie, ludzi pavinny mieć admoŭny PŁR-test.

Pavyšanaja ŭvaha Pucina da svajho zdaroŭja nie adnojčy stanaviłasia miemam i pradmietam abmierkavańniaŭ. Praz heta ŭźnikajuć viersii, što kali Pucin źjaŭlajecca siarod prostych ludziej, to heta robić jahony dvajnik.

Inšaje tłumačeńnie jaho niečakanym učynkam nakštałt načnoj pajezdki ŭ Maryupal znajści ciažka.

Čytajcie taksama:

Navošta Pucinu chirurh-ankołah? Vyjšła rasśledavańnie pra zdaroŭje prezidenta Rasii

Bunkierny dzied. Vyjšła rasśledavańnie pra padziemnyja schoviščy Pucina

Doktar Kamaroŭski vykazaŭ zdahadki, kolki zastałosia Pucinu i Łukašenku i ad čaho jany mohuć pamierci

Клас
3
Панылы сорам
4
Ха-ха
20
Ого
2
Сумна
2
Абуральна
3