Žyćcio pobač z parkami zapavolvaje bijałahičnaje stareńnie
Mižnarodnaja hrupa daśledčykaŭ vyvučyła danyja, sabranyja za 20 hadoŭ bolš čym ad 900 udzielnikaŭ. Vyniki daśledavańnia pakazali, što navakolnaje asiarodździe ŭpłyvaje na zdaroŭje čałavieka na malekularnym uzroŭni: čym bolš zialonych nasadžeńniaŭ raźmiaščałasia vakoł miescaŭ žycharstva, tym pavolniej praciakała bijałahičnaje stareńnie i raźvivalisia ŭzrostavyja chvaroby va ŭdzielnikaŭ daśledavańnia.
U siarednim ludzi ŭ rajonach, jakija mieściacca mienš čym za 5 kiłamietraŭ ad bujnych zialonych nasadžeńniaŭ, byli na 2,5 hoda «maładziejšyja» za adnahodkaŭ ź mienš «zialonych» rajonaŭ.
Navukoŭcy adznačajuć, što na hety efiekt mohuć upłyvać rasa, sacyjalna-ekanamičny status i toje, jak doŭha čałaviek žyvie ŭ «zialonym» rajonie. Heta daśledavańnie dakazvaje važnaść pravilnaha dyzajnu haradskich kvartałaŭ dla palapšeńnia zdaroŭja jaho žycharoŭ.
