Pra heta paviedamiŭ namieśnik ministra achovy zdaroŭja Robiert Časnojć, adkazvajučy 27 listapada na pytańni deputataŭ u biełaruskim parłamiencie.

Z usioj kolkaści zachvarełych na hryp zachvareli 2,4‑2,6%. Što da śmiarotnych vynikaŭ, to, jak śćviardžaje Časnojć, «hrypu A (H1N1) tam niama, heta banalnyja infiekcyi, ź jakimi my pastajanna zmahajemsia».

Pavodle źviestak Ministerstva achovy zdaroŭja, na 23 listapada ŭ Biełarusi łabaratorna paćvierdžany 179 vypadkaŭ zachvorvańnia pandiemičieskim hryp A (H1N1), u tym liku za čas epidemičnaha padjomu zachvorvańnia — 153 vypadki.

Usiaho hryp typu A (u tym liku H1N1) byŭ vyjaŭleny ŭ 22,3% vypadkaŭ, B — u 3,3% vypadkaŭ, parahryp — u 8,2% vypadkaŭ, adenavirusy — u 21% vypadkaŭ, reśpiratorna‑sintycyjalny virus — u 17,7% vypadkaŭ ahulnaj struktury uzbudžalnikaŭ vostryja reśpiratornyja virusnyja infiekcyi.

Jak paviedamlałasia raniej, pa stanie na 19 listapada virus hrypu A (H1N1) znojdzieny u 13 čałaviek, pamierłych ad pnieŭmanii. Va ŭsich hetych chvorych była miašanaja infiekcyja.

Taksama Robiert Časnojć zajaviŭ, što vakcyna ad hrypu A (H1N1) źjavicca ŭ Biełarusi ŭ druhoj pałovie śniežnia.

«Na žal, vakcyny ad hrypu A (H1N1) u Biełarusi niama. Płanavanaje jaje źjaŭleńnie — druhaja pałova śniežnia». Časnojć nahadaŭ, što Ministerstva achovy zdaroŭja abviaściła tender na pastaŭku vakcyny. «Viaducca pieramovy z roznymi firmami — vytvorcami vakcyny, u tym liku z rasijskim»Mikrahienam», — skazaŭ namieśnik ministra.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?