Nie vyklučana, što norma ab pamiery indyvidualnaha finansavaha fondu dla kandydataŭ u prezidenty ŭ pierśpiektyvie budzie źmieniena. Pra heta paviedamiła staršynia Centrvybarkama Lidzija Jarmošyna.

U adpaviednaści z papraŭkami ŭ vybarčaje zakanadaŭstva, jakija ciapier znachodziacca na razhladzie ŭ Pałacie pradstaŭnikoŭ, hraničny pamier indyvidualnaha finansavańnia fondu dla kandydataŭ u prezidenty Biełarusi składzie try tysiačy bazavych vieličyń [siońnia bazavaja vieličnyja składaje 35 tys. rubloŭ, 3 000 b.v. - 105 młn rubloŭ, ci 25,4 tys. jeŭra]. Hraničny pamier fondu dla kandydataŭ u deputaty parłamienta — adna tysiača bazavych vieličyń [35 młn rubloŭ].

Adnak, pavodle słoŭ Jarmošynaj, «mahčyma, hetaja norma budzie raźvivacca, u zaležnaści ad taho, jak jana budzie realizoŭvacca na praktycy». «Nie vyklučana, što praktyka praviadzieńnia prezidenckich vybaraŭ pakaža, što hraničnyja pamiery fondu treba pavialičvać», — skazała jana.

«Dumaju, u hetaj normy samyja vialikija pierśpiektyvy na dalejšuju źmienu, pakolki jana ŭ nas źjaviłasia praktyčna na hołym miescy. My raniej jaje nie prymianiali», — padkreśliła kiraŭnik CVK.

Jarmošyna adznačyła, što pry raspracoŭcy normy ab indyvidualnym vybarčym fondzie kandydata ŭ deputaty za asnovu ŭziatyja mnohija pałažeńni rasijskaha zakanadaŭstva taho času, kali dziejničała mažarytarnaja vybarčaja sistema.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?