Telebačańnie, jakoje kantralujecca ŭradam, zaminaje raźvićciu demakratyi ŭ Rasii, Biełarusi i bolšaści postsavieckich krain u Centralnaj Azii i Paŭdniovym Kaŭkazie.

Jano moža pastavić pad pahrozu mir u śviecie i biaśpieku, kali jano budzie vykarystoŭvacca jak prapahanda. Tak miarkuje pradstaŭnik ABSIE pa pytańniach svabody ŚMI Mikłaš Charašci.

«Nielha kazać pra svabodnyja vybary, nielha kazać pra demakratyju, kali bolšaść ludziej bolšuju častku infarmacyi atrymlivaje ad telebačańnia, jakoje znachodzicca ŭ rukach pradstaŭnikoŭ ułady ci ŭ pryvatyzavanym vyhladzie ŭ rukach nabližanych im ludziej abo svajakoŭ»,— cytuje Charašci Accotiated Press.

Charašci, adznačajučy ŭpłyŭ padkantrolnaha ŭładam telebačańnia padčas juhasłaŭskich vojnaŭ 90‑ch, adznačyŭ, što telekanały ŭ rukach dziaržavy «niepasredna upłyvajuć na suśvietnuju biaśpieku, bo jany mohuć być skarystanyja ŭ jakaści instrumienta prapahandy, tamu što dziaržaŭnaja palityka nie moža być pravieranaja presaj, a taksama tamu što niebiaśpiečnyja i iracyjanalnyja emocyi mohuć raspaŭsiudžvacca aficyjna».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?