Na vynikovym turniry Asacyjacyi tenisistaŭ-prafiesijanałaŭ (ATR) u Łondanie ŭ piatnicu prachodziać apošnija sustrečy papiaredniaha raŭndu.

U parnym razradzie biełaruska-izrailski duet Maksim Mirny i Endzi Ram u zaklučnym matčy hrupy V sustrakalisia ź Leandra Pajesam (Indyja) i čecham Łukašam Dłoŭchim.

Uparty pajadynak zaviaršyŭsia pieramohaj Mirnaha i Rama ŭ dvuch setach – 7:6, 6:4, jakija vyjšli ŭ paŭfinał.

Raniej u hetaj hrupie pucioŭku ŭ paŭfinał daterminova zabiaśpiečyła sabie para Łukaš Kubat (Polšča) – Aliŭje Marak (Aŭstryja), jakaja siońnia ŭviečary sustreniecca z amierykancami Bobam i Majkam Brajanam.

Z hrupy A ŭ paŭfinalnuju stadyju vyjšli dva internacyjanalnyja duety: Machieš Bchupaci (Indyja) – Mark Noŭłz (Bahamskija vyspy) i Francišak Čermak (Čechija) – Michał Mierciniak (Słavakija).

Paŭfinalnyja sustrečy adbuducca 28 listapada, a finały – 29 listapada.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?