Alaksiej Reźnikaŭ. Fota: Viktar Kavalčuk, UNIAN

Alaksiej Reźnikaŭ. Fota: Viktar Kavalčuk, UNIAN

Ministr abarony Alaksiej Reźnikaŭ ličyć, što da nastupnaha leta Ukraina atrymaje pieramohu ŭ vajnie, piša UNIAN.

U intervju CNN jon skazaŭ, što razhladaje samit NATA ŭ 2024 hodzie jak mahčymaść dla pryniaćcia Ukrainy ŭ Aljans. «Chto viedaje, moža być, heta budzie vielmi važny dzień dla Ukrainy. Heta ŭsiaho tolki moj prahnoz», — dadaŭ ministr.

Kali jaho spytali, ci dumaje jon, što vajna skončycca da nastupnaha leta, jon chutka adkazaŭ: «Tak. My pieramožam u hetaj vajnie».

Reźnikaŭ pierakanany, što paśla zakančeńnia vajny siabroŭstva Ukrainy ŭ NATA budzie ŭ intaresach samoha Aljansu.

«Bo my stali sapraŭdnym uschodnim ščytom NATA abo ŭschodnim ščytom Jeŭropy. Ukraina atrymała realny bajavy dośvied — jak strymlivać rasiejcaŭ, pieramahać ich, bić standartnymi dla NATA ŭzbrajeńniami», — adznačyŭ jon.

U Złučanych Štatach ličać, što ciapier iduć «adnosna rannija dni» ŭkrainskaha kontrnastupu. Pavodle ich danych, Ukraina vyzvaliła kala 50% terytoryi, zachoplenaj akupantami za čas vajny.

Клас
9
Панылы сорам
1
Ха-ха
3
Ого
0
Сумна
0
Абуральна
0