Uładzimir Pucin i Alaksandr Łukašenka. Fota: Alexander Demianchuk, Sputnik, Kremlin Pool Photo via AP

Uładzimir Pucin i Alaksandr Łukašenka. Fota: Alexander Demianchuk, Sputnik, Kremlin Pool Photo via AP

Uładzimir Pucin praciahnie pieramovy z Alaksandram Łukašenkam, jaki znachodzicca ŭ Rasii z rabočym vizitam, piša TASS.

Pieršapačatkova anansavałasia, što pieramovy adbuducca ŭ niadzielu i projduć u adnadzionnym farmacie.

Rasijski prezident, adnak, paviedamiŭ, što ich pieramovy pradoŭžacca i ŭ paniadziełak. «Ja siakija-takija płany svaje źmianiŭ, možam paŭtara-dva dni pravieści [za pieramovami]», — prapanavaŭ Pucin.

Pieršy dzień Pucina i Łukašenki pačaŭsia ź pieramovaŭ u Kanstancinaŭskim pałacy. Jany pryjechali da pałaca ŭ adnym aŭtamabili i vyjšli ź jaho ŭ aficyjnych kaściumach, ale biez halštukaŭ.

Paśla pieramovaŭ jany naviedali Kranštacki marski sabor i pahutaryli z prysutnymi na płoščy kala chrama ludźmi, zrabili ź imi sumiesnyja fatahrafii.

Zatym jany ahledzieli ekspazicyju Muzieja vajenna-marskoj słavy, jaki adkryjecca 30 lipienia, i padyšli da Finskaj zatoki, dzie hubiernatar Sankt-Pieciarburha Alaksandr Biahłoŭ raspavioŭ im pra płany raźvićcia horada, pakazaŭ miesca, dzie nieŭzabavie budzie abstalavana novaja nabiarežnaja.

U 2023 hodzie Łukašenka i Pucin sustrakajucca ŭžo šosty raz. Pryčym usie razy na terytoryi Rasii.

Čytajcie taksama:

Łukašenka zajaviŭ, što strymlivaje vahnieraŭcaŭ ad ekskursii ŭ Varšavu i Žešaŭ

Клас
0
Панылы сорам
6
Ха-ха
0
Ого
0
Сумна
0
Абуральна
12