Čarha na zdaču kryvi. Fota: instagram.com/tvoy_sol

Čarha na zdaču kryvi. Fota: instagram.com/tvoy_sol

Spačatku ad 8:00 da 10:00 pavinny byli pryniać tolki 200 čałaviek. Ale pryjom vyrašyli padoŭžyć da 13:00 i ŭziać bolš uzoraŭ kryvi. Pavodle źviestak «Biełaruśkalija», da 10:00 paśpieli zdać kroŭ bolš za 200 čałaviek.

Čarha na zdaču kryvi. Fota: instagram.com/tvoy_sol

Čarha na zdaču kryvi. Fota: instagram.com/tvoy_sol

«Šaniec, što niečaja kroŭ padydzie, nievialiki. Ale ŭsich donaraŭ unosiać u bazu i ŭ budučyni jany zmohuć vyratavać niečaje žyćcio», — adznačaje «Tvoj Salihorsk».

Viktaru Vuhłovu 29 hadoŭ, jon žanaty i vychoŭvaje trochhadovuju dačku, pracuje na «Biełaruśkalii». Što jamu patrebna dapamoha, stała viadoma 20 lipienia. Mužčyna doŭha lačyŭsia, i chimijaterapija vyvieła chvarobu ŭ remisiju, ale na niepraciahły čas. Ciapier jamu patrabujecca pierasadka hiemapaetyčnych kletak — taksama jany nazyvajucca hiemacytabłasty. Heta samyja rannija papiaredniki kletak kryvi, jakija dajuć pačatak usim astatnim kryvianym kletkam i znachodziacca ŭ asnoŭnym u kaściavym mozhu.

Viktar Vuhłoŭ z dačkoj. Fota: instagram.com/tvoy_sol

Viktar Vuhłoŭ z dačkoj. Fota: instagram.com/tvoy_sol

«Adnak vierahodnaść znachodžańnia sumiaščalnaha niarodnasnaha donara vielmi nizkaja. I tamu vielmi važna, kab nacyjanalny rejestr takich donaraŭ byŭ maksimalnym. Na siońnia jon niešmatliki», — adznačaje «Tvoj Salihorsk».

Kab stać mahčymym donaram hiemapaetyčnych stvałavych kletak, treba było zapoŭnić ankietu i pahadnieńnie ab uniasieńni svaich danych u bazu, a taksama zdać 10 mł pieryfieryčnaj kryvi dla analizu. Kali chtości z saliharčan padydzie, to zdać treba budzie ŭžo 500 mł kryvi.

Čarha na zdaču kryvi. Fota: instagram.com/tvoy_sol

Čarha na zdaču kryvi. Fota: instagram.com/tvoy_sol

Patencyjnym donaram hiemapaetyčnych stvałavych kletak moža stać luby čałaviek ad 18 da 50 hadoŭ. 

Čytajcie taksama:

Novy mietad terapii raku dazvoliŭ vylečyć dziaŭčynku ź lejkiemijaj, jakoj nie dapamahaŭ nivodny padychod

U Minsku praviali pieršuju ŭ krainie apieracyju na pazvanočniku z užyvańniem admysłovaha impłantata

Maładyja daktary ci z dośviedam: chto dabivajecca lepšych vynikaŭ?

Клас
9
Панылы сорам
0
Ха-ха
0
Ого
0
Сумна
3
Абуральна
2