Biełarus źviarnuŭsia da polskich pravaachoŭnikaŭ na pazaminułym tydni. Jon raspavioŭ, što, vierahodna, zhubiŭ bankaŭskuju kartku — ale nie viedaŭ, dzie i kali.

Nie znajšoŭšy kartki, čałaviek pravieryŭ bałans rachunku ŭ mabilnaj prahramie. Vyjaviłasia, što chtości ŭžo paśpieŭ pravieści niekalki drobnych apieracyj na ahulnuju sumu amal u 1 tysiaču złotych.

Apieratyŭniki chutka vyśvietlili, što da incydentu moža być datyčnaja 58-hadovaja žančyna. Padčas razmovy taja pryznałasia, što znajšła kartu na rovarnaj ściežcy. Adnak zamiest taho kab viarnuć jaje, vyrašyła pahladzieć, ci zmoža vykarystać.

Usiaho ŭ vyniku žančyna zrabiła 12 tranzakcyj u kramach horada. A potym «praz zhryzoty sumleńnia» ŭziała dyj vykinuła kartku.

Zatrymanaja pryznała siabie vinavataj. Ciapier jaje los vyrašyć sud. Pavodle dziejnaha polskaha zakanadaŭstva za ŭčynienaje pravaparušeńnie žančynie moža pahražać pazbaŭleńnie voli na termin da 10 hadoŭ. Palicyjanty taksama zapatrabavali ŭ žycharki horada zakład.

Čytajcie taksama:

U Miorskim rajonie mužčynu dastavali z 8-mietrovaha kałodzieža

Na hadzinu zakryvali mietro «Kamiennaja Horka». Čamu — pakul nieviadoma

Vichor, iskry latuć: videa ŭčarašniaj trahiedyi na Minskim mory

Клас
3
Панылы сорам
4
Ха-ха
1
Ого
1
Сумна
1
Абуральна
3