Andrej Savinych i hadzińnik ad Franck Muller

U rozny čas Andrej Savinych zajmaŭ pasady sakratara pry ambasadzie ŭ Niderłandach, namieśnika pastajannaha pradstaŭnika Biełarusi pry adździaleńni AAN u Ženievie, byŭ pasłom Biełarusi ŭ Turcyi i Iraku, a ciapier pracuje ŭ ajčynnym parłamiencie. Savinych dobra adukavany: skončyŭ Minski dziaržaŭny linhvistyčny ŭniviersitet, a paźniej atrymaŭ dypłom Brytanskaha instytuta siertyfikavanych mieniedžaraŭ u śfiery finansavaha mieniedžmientu i analizu, taksama jon vałodaje dźviuma movami: anhlijskaj i francuzskaj.

Andrej Savinych sočyć za pasadkaj kaściumaŭ i razbaŭlaje kansiervatyŭnyja vobrazy roznakalarovymi halštukami.

Andriej Savinych Andrej Savinych

Fota: instahram Andreja Savinych

Palityk aktyŭna viadzie staronki ŭ sacyjalnych sietkach. Na adnoj z fatahrafij my i zaŭvažyli luksavy hadzińnik madeli Cintrée Curvex Classic z 18-karatnaha zołata ad šviejcarskaha brenda FRANCK MULLER.

Andriej Savinych Andrej Savinych

Fota: sajt chrono24.com 

Siońnia taki kaštuje 9450 jeŭra. Uličvajučy siaredni zarobak u «mocnaj i kvitniejučaj» — 1657 rubloŭ «čystymi», — kab nabyć taki aksiesuar, zvyčajnamu biełarusu spatrebiłasia b adkładać usie svaje hrošy ciaham paŭtara hoda.

FRANCK MULLER Frank Miuller

Fota: sajt chrono24.com 

Dźmitryj Baskaŭ i kalekcyja šviejcarskich hadzińnikaŭ

Imia byłoha hiendyrektara chakiejnaha kłuba «Dynama» časta zhadvałasia ŭ presie ŭ 2020 hodzie — paśla śmierci Ramana Bandarenki. Miarkujecca, što padčas kanfliktu, jaki pryvioŭ da trahiedyi, čynoŭnik znachodziŭsia na «Płoščy pieramien», što było vyjaŭlena pa bilinhu jaho telefona.

Dmitrij Baskov Źmicier Baskaŭ

Fota: hcdinamo.by

Baskava — ciapier sienatara — śmieła možna nazvać samym viadomym mietraseksuałam u čynoŭnickaj bracii Łukašenki. Palityk i biznesmien karektuje formu brovaŭ, sočyć za zaharam i nadaje vialikuju ŭvahu svajmu harderobu. Jon nosić brendavy abutak: naprykład, makasiny znakamitaha italjanskaha brenda Louis Vuitton koštam 805 jeŭra.

Źmicier Baskaŭ Dmitrij Baskov

Fota: instahram Andreja Michalova/ sajt brenda

Kalekcyja hadzinnikaŭ palityka taksama ździŭlaje. U joj sustrakajecca madel Skeleton Chronograph z žoŭtaha zołata ad elitnaha šviejcarskaha brenda ChronoSwiss Opus.

Dmitrij Baskov časy

Fota: Fiederacyja chakieja Respubliki Biełaruś

Košt hetaha hadzińnika zaležyć ad hoda vypusku i varjirujecca ad 7 da 14,7 tysiačy jeŭra. Kali biełarus ź siarednim zarobkam vyrašyŭ by nabyć sabie taki, jamu spatrebiłasia b źbirać ad 14 miesiacaŭ da 2,5 hoda.

Chronoswiss Opus

Fota: sajt brenda

Jašče adzin šviejcarski hadzińnik Dźmitryja Baskava naležyć brendu Ulysse Nardin.

Ulysse Nardin

Fota: Fiederacyja chakieja Respubliki Biełaruś

Madel Diver Chronograph — vierny kampańjon jachtsmienaŭ i amataraŭ dajvinhu — sa skuranoj papružkaj siońnia budzie kaštavać 11,5 tysiačy jeŭra, abo 23 siarednija zarobki.

Ulysse Nardin

Fota: sajt brenda

Raman Hałoŭčanka i Huawei Watch 2 Classic

Premjer-ministr Biełarusi namahajecca nie vydzialacca z akružeńnia i imkniecca vyhladać jak maha praściej. Jon lubić šeryja kaściumy, pałasatyja kašuli i niajarkija halštuki.

Roman Hołovčienko Raman Hałoŭčanka

Fota: belta.by

Što da aksiesuaraŭ, to na niekatorych mierapryjemstvach Raman Hałoŭčanka źjaŭlajecca z prostym dla palityka takoha ŭzroŭniu smart-hadzińnikam Huawei Watch 2 Classic koštam kala 360 funtaŭ (heta 465 dalaraŭ).

Huawei Watch 2 Classic

Fota: sajt brenda

Andrej Chmiel i Huawei Watch 2 Classic

Takuju ​​ž madel, jak u Hałoŭčanki, my zaŭvažyli i ŭ novaha mera Hrodna (byłoha ministra žyllova-kamunalnaj haspadarki) Andreja Chmiela — jon taksama namahajecca nie adstavać ad techničnaha prahresu i addaje pieravahu kitajskamu hadžetu.

Andriej Chmiel Andrej Chmiel

Fota: smartpress.by

Ivan Cierciel i fitnes-branzalet Xiaomi

Kiraŭnik KDB Ivan Cierciel addaje pieravahu fitnes-branzaletu brenda Xiaomi.

Ivan Tiertiel Ivan Tercel

Fota: sajt Łukašenki

Kaštujuć takija amal 50 jeŭra — i heta samy biudžetny aksiesuar u našaj padborcy. Kupić taki moža luby biełarus ź siarednim prybytkam.

fitnies-branzalet Xiaomi fitnies-braślet Siaomi

Fota: sajt brenda

Juryj Karajeŭ i «Łuč»

Try hady tamu Juryj Karajeŭ źmianiŭ milicejskuju formu na cyvilnuju. U svaim novym žyćci eks-ministr unutranych spraŭ i ciapierašni inśpiektar pa Hrodzienskaj vobłaści nosić čornyja i ciomna-šeryja kaściumy. Zmročnyja vobrazy palityk razbaŭlaje čyrvonymi halštukami — mienavita ŭ ich jon źjaŭlajecca čaściej za ŭsio.

Jurij Karajev Jury Karajeŭ

Fota: belta.by

U adroźnieńnie ad kaleh, u vybary aksiesuaraŭ Juryj Karajeŭ addaje pieravahu ajčynnym brendam. Tak na ruce čynoŭnika bačny hadzinnik minskaha zavoda «Łuč» ź limitavanaj kalekcyi, pryśviečanaj 75-hodździu Pieramohi. U hetaj liniejcy try madeli — kožnaj vypuščana ŭsiaho pa 200 ekzemplaraŭ.

Jury Karajeŭ Jurij Karajev časy

Fota: region.grodno.by

Dyzajn hetaha hadzińnika źviazany z histaryčnaj technikaj vajennych hadoŭ: tankam T-34, hruzavikom Studebaker US6 i źniščalnikam Supermarine Spitfire. Papružki dla jaho ŭručnuju vyrablali biełaruskija ramieśniki, a na zadnim viečku ź nieržaviejki možna razhledzieć piersanalny paradkavy numar.

Łuč T34

Fota: sajt brenda

Kaštuje taki hadzińnik 107 jeŭra, albo čverć ad siaredniaha zarobka — całkam padjomnaja suma dla prostaha hramadzianina.

Ihar Bryło i Samsung Galaxy Watch Active 2

Były ministr sielskaj haspadarki i ciapierašni pamahaty Łukašenki pa Viciebskaj vobłaści Ihar Bryło imkniecca vyhladać kreatyŭna, ale, vidavočna, pierabiraje z akcentnymi detalami. Samaja častaja pamyłka čynoŭnika — miks dvuch vidaŭ pałoski, jakija nie spałučajucca pamiž saboj.

Ihoŕ Bryło Ihar Bryło

Fota: vitbichi.by

Palityk dapaŭniaje svaje śmiełyja łuki ścipłym smart-hadzińnikam Samsung Galaxy Watch Active 2. Aktualny košt takoha 284 dalary, abo ŭsiaho tolki pałova siaredniaha zarobku.

Ihoŕ Bryło Samsung Galaxy Watch Active 2

Fota: amazon.com

Juryj Šulejka i «Adnastrełačnik»

Hubiernatar Bresckaj vobłaści Juryj Šulejka lubić pryntavanyja halštuki. U jaho kalekcyi možna sustreć aksiesuary ŭ indyjskija «ahurki», dalikatny harošak i rombik.

Jurij Šulejko Juryj Šulejka

Fota: belta.by

Ale ž u vybary hadzińnika palityk bolš strymany: u liku niamnohich, Šulejka nosić hadzińnik minskaha zavoda «Łuč». Na jaho ruce možna zaŭvažyć uniseks-madel z kalekcyi «Adnastrełačnik» koštam 122 jeŭra. Biełarus ź siarednim zarobkam zarobić na taki hadzińnik za niekalki tydniaŭ.

Łuč Odnostriełočnik

Fota: sajt brenda

Daviedacca, kolki kaštujuć aksiesuary čynoŭnic i favarytak Łukašenki, možna ŭ jašče adnym našym materyjale.

Čytajcie taksama:

«Šanel» i Apple Watch za $17 000. Što nosiać biełaruskija čynoŭnicy VIDEA

Što ŭ harderobie Śviatłany Cichanoŭskaj i kolki kaštuje

Kašuli na humcy i štany na vyrast. Novy dres-kod Łukašenki moža nas mnohamu navučyć

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?