Łakalizacyja viežy na rekanstrukcyi Kreŭskaha zamka. Fota: facebook / kreva.park

Łakalizacyja viežy na rekanstrukcyi Kreŭskaha zamka. Fota: facebook / kreva.park

Kiraŭnik raskopak kandydat histaryčnych navuk archieołah Aleh Dziarnovič paviedamiŭ, što heta vielmi važnaje adkryćcio i dla historyi Kreŭskaha zamka, i dla historyi daśledavańniaŭ pačatku muravanaha abarončaha dojlidstva Vialikaha Kniastva Litoŭskaha.

Minuły archieałahičny siezon dazvoliŭ łakalizavać małuju bramu z unutryviežavym leśvičnym tunelem u joj, znachodki važnyja dla rekanstrukcyi vialikaj bramy.

Ciapier na rohu zamka byŭ raskapany vializny padmurak, šyrynioj pad dva mietry (192—194 sm). Taksama z dapamohaj polskich kaleh udałosia padniać materyjały polskaha mižvajennaha abśledavańnia, i na ich taksama abaznačany reštki tych pabudoŭ, jakija siońnia možna interpretavać jak viežu, paviedamiŭ historyk.

Vyjaŭlenyja padmurki treciaj viežy. Fota: facebook / kreva.park

Vyjaŭlenyja padmurki treciaj viežy. Fota: facebook / kreva.park

U tym ža vuhle mahła być i treciaja brama, tamu zamak u hetym miescy najbolš zrujnavany, mahčyma, mienavita tut vojski kniazia Śvidryhajły ŭ 1433 hodzie, padčas dynastyčnaj baraćby, prarvalisia ŭnutr. Vieža była paškodžanaja i bolš nie adnaŭlałasia.

Struktura Kreŭskaha zamka była bolš składanaj, razhalinavanaj i bolš funkcyjanalna nasyčanaj, zrabiŭ vysnovu Aleh Dziarnovič.

Nahadajem, što ciapier adbyvajecca kansiervacyja, restaŭracyja i archieałahičnyja daśledavańni Kreŭskaha zamka, unikalnaha pomnika abarončaha dojlidstva pačatku XIV stahodździa (pavodle inšych mierkavańniaŭ — kanca XIII stahodździa). U Kreŭskim zamku raźmiaščałasia rezidencyja vialikich kniazioŭ.

Čytajcie taksama:

Z rycarami, starastam i kniaziem Alhierdam. Na Juravaj hary ŭ Krevie adkryli viežu-dazorcu

La zamka ŭ Krevie znajšli hazalarm

Jakija artefakty znajšli padčas raskopak u Kreŭskim zamku ŭ minułym hodzie

Клас
23
Панылы сорам
0
Ха-ха
2
Ого
2
Сумна
1
Абуральна
2