Bakavaja ściana ŭstajała, ale padjezd unutry litaralna skłaŭsia. Razburany rasijanami šmatpaviarchovik u Kryvym Rohu. Fota: Ukrainian Interior Ministry Press Office / AP Photos

Bakavaja ściana ŭstajała, ale padjezd unutry litaralna skłaŭsia. Razburany rasijanami šmatpaviarchovik u Kryvym Rohu. Fota: Ukrainian Interior Ministry Press Office / AP Photos

Siońnia Kryvy Roh rasijanie atakavali dźviuma balistyčnymi rakietami taho typu, jaki ŭkrainskaja supraćpavietranaja abarona źbivać niazdolnaja — akramia dvuch na ŭsiu krainu kompleksaŭ «Petryat». Ale «Petryaty» mohuć abaranić tolki dva dyjamietry na ŭsiu krainu. U Kryvym Rohu siońnia ich nie było. Adna z rakiet trapiła ŭ šmatpaviarchovik, druhaja — u budynak navučalnaj ustanovy.

U žyłym domie całkam razburany čatyry pavierchi. Źniščany i čatyrochpaviarchovy budynak technikuma Politechničnaha instytuta.

Pavodle apošnich źviestak haradskoj administracyi, šeść čałaviek zahinuli. Siarod ich 45-hadovaja žančyna i jaje 10-hadovaja dačka. Cieła dziciaci dastali z-pad zavałaŭ.

Žychary razburanaha rasijskaj rakietaj doma ŭ Kryvym Rohu. Fota: telehram-kanał «Tipovij Krivij Rih»

Žychary razburanaha rasijskaj rakietaj doma ŭ Kryvym Rohu. Fota: telehram-kanał «Tipovij Krivij Rih»

Jašče 75 čałaviek paranienyja, u tym liku šaściora dziaciej. U ludziej irvanyja i rezanyja rany, pierałomy i minna-ŭzryŭnyja traŭmy.

«Try čałavieki ŭ ciažkim stanie, i adzin u zvyšciažkim stanie — tam surjoznaja palitraŭma», — kaža mer Kryvoha Roha Alaksandr Viłkuł.

Abrany ŭ svoj čas ad prarasijskaj Partyi rehijonaŭ, za čas vajny Viłkuł evalucyjanavaŭ u ćviordaha praciŭnika Rasii. Mienavita dziakujučy terytaryjalnaj abaronie Kryvoha Roha rasijskija vojski ŭ krasaviku 2022 hoda ŭdałosia strymać na podstupach da horada. Uvosieni taho ž hoda ich adkinuli za raku Dniapro.

Z razburanaha šmatpaviarchovika samastojna vybrałasia amal 150 žycharoŭ.

Ratavalniki raźbirajuć zavały razburanaha doma. Fota: telehram-kanał «Tipovij Krivij Rih»

Ratavalniki raźbirajuć zavały razburanaha doma. Fota: telehram-kanał «Tipovij Krivij Rih»

Adna z žycharak atakavanaha doma, kali pačuła pieršy vybuch, schavałasia ŭ vannym pakoi, i heta jaje vyratavała. Jaje kvatera razburanaja.

«Kali b ja nie pajšła ŭ vanny pakoj, to mianie b nie było», — adznačyła žančyna ŭ hutarcy z žurnalistami.

U domie, kudy trapiła rasijskaja rakieta, žyvie ŭkrainskaja žurnalistka Kaciaryna Sieldziarejeva, jakaja piša dla biełaruskaha internet-vydańnia «Salidarnaść». U jaje svaja rubryka «Dziońnik vajny»

Žurnalistki ŭ kvatery, kali prylacieła rakieta, nie było. 

«Salidarnaści» Kaciaryna raskazała, što ŭ jaje kvatery paciarpieli bałkon i vokny. U dom miascovych žycharoŭ pakul nie puskajuć, patrebnaja ekśpiertyza, kab vyznačyć, ci biaśpiečna dalej žyć u inšych padjezdach. 

Kaciaryna Sieldziarejeva ŭstrymlivajecca havaryć pra pieražytaje inšym miedyja.

«U jaje bałkon źniesieny, susiedzi zahinuli», — patłumačyli karespandentu «Našaj Nivy» jaje stan kalehi.

Žychary razburanaha doma. Fota: telehram-kanał «Tipovij Krivij Rih»

Žychary razburanaha doma. Fota: telehram-kanał «Tipovij Krivij Rih»

Supracoŭniki ekstrannych słužbaŭ praciahvajuć vyratavalnuju apieracyju ŭ razburanym rakietaju domie. Rajon, kudy strelili rasijskija vajskoŭcy, hustanasieleny. Jon uściaž zabudavany šmatpaviarchovikami. Kryvy Roh — vialiki pramysłovy centr rajona, jaki nazyvajuć Kryŭbas, ad Kryvarožski basiejn.

Razburany rasijskaj rakietam dom u Kryvym Rohu. Fota: Ukrainian Interior Ministry Press Office/ AP Photos

Razburany rasijskaj rakietam dom u Kryvym Rohu. Fota: Ukrainian Interior Ministry Press Office/ AP Photos

Z pačatkam poŭnamaštabnaj vajny rakietnyja abstreły rasijskimi vojskami žyłych rajonaŭ ukrainskich haradoŭ — zvykłaja praktyka. Rasijanie namahajucca hetak pastavić ukraincaŭ na kaleni. Paśla padryvu Krymskaha mosta abstreły poŭdnia Ukrainy aktyvizavalisia. Heta svajho rodu adpłata za parazy na linii frontu. Siońnia rasijski vajenkar Ramanaŭ sprahnazavaŭ, što za adzin-try dni ŭkrainskija vojski zojmuć siało Uradžajnaje na pravym bierazie raki Mokryja Jały ŭ Vałnavachskim rajonie Danieckaj vobłaści. Heta vyviedzie ich da miastečka Staramłynaŭka, praź jakoje jany chočuć prabicca abo da Maryupala, abo da Biardzianska, kab atrymać vychad da Kryma.

Hladzicie taksama:

Načnaja ataka na Lvoŭ. Jość zahinułyja i paranienyja

Uviečary ŭdaryli pa Zaparožžy — jość achviary 

U vyniku ŭdaru pa Kramatorsku zahinuli vosiem čałaviek, 56 paranienych

Reźnikaŭ: Ukraina praciahnie nanosić udary pa Krymskim moście

Adnaŭleńnie Krymskaha mosta adkłali jašče na niekalki miesiacaŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?