The Nio ES6 electric car at the Shanghai Motor Show in April 2023 Elektromobil Nio ES6 na Šanchajskom avtosałonie v apriele 2023 hoda Elektramabil Nio ES6 na aŭtasałonie ŭ Šanchai ŭ krasaviku 2023 hoda

Elektramabil Nio ES6, jaki kamplektujecca novymi paŭćvierdacielnymi akumulatarami, na aŭtasałonie ŭ Šanchai ŭ krasaviku 2023 hoda. Fota: AP Photo / Ng Han Guan

Jak śćviardžaje Bloomberg, ćvierdacielnyja akumulatary mohuć źmianić praviły hulni ŭ industryi elektramabilaŭ, bo jany dazvalajuć vykarystoŭvać vysakavoltnyja katody vialikaj jomistaści, jakija zabiaśpiečvajuć istotnaje pavyšeńnie jomistaści i pradukcyjnaści akumulataraŭ.

Enierhajomistaść ćvierdacielnaj batarei bolšaja, čym u lityj-ionnaj batarei z vadkim rastvoram elektralitu. Pakolki imaviernaść vybuchu ci ŭzharańnia adsutničaje, to niama nieabchodnaści ŭ achoŭnych kampanientach, što dazvalaje ekanomić miesca. Batarei mohuć nazapašvać u dva razy bolš enierhii ŭ paraŭnańni ź lityj-ionnymi, što pryvodzić da pavieličeńnia ich mahutnaści.

Niahledziačy na šmathadovyja raspracoŭki, tak i nie ŭdałosia vyvieści ćvierdacielnyja batarei na rynak. Pry pakajovaj tempieratury ionnyja elektrality zvyčajna na niekalki paradkaŭ nižejšyja, čym vadkija elektrality. Heta i jość adna z asnoŭnych pieraškod dla kamiercyjalizacyi ćvierdacielnych batarej. Choć kancepcyja takich batarej isnuje ŭžo niekalki dziesiacihodździaŭ, prahres paznačyŭsia tolki ciapier.

Siońnia kitajski vytvorca paŭćvierdaciełych elemientaŭ WeLion pastaŭlaje svaje batarei dla kamplektacyi pazadarožnika Nio ES6. Heta robić jaho adnym ź niamnohich vytvorcaŭ akumulataraŭ nastupnaha pakaleńnia ŭ śviecie, jakija raspačali masavuju vytvorčaść.

Aŭtamabil Nio z novymi batarejami važyć usiaho na 20 kiłahramaŭ bolš, čym varyjant z kłasičnaj batarejaj z vadkimi elektralitami, niahledziačy na istotnuju roźnicu ŭ jomistaści.

Varta adznačyć, što hety akumulatarny błok vielmi darahi, tamu ŭładalniki Nio zmohuć arandavać akumulatarnuju batareju mahutnaściu 150 kVt⋅h z mahčymaściu vykupu ŭ budučyni.

Zapas chodu batarei ŭ 1000 km vyhadna adroźnivajecca ad Lucid Air Dream Edition R (840 kiłamietraŭ) i Tesla Model S (640 kiłamietraŭ). Pa słovach admysłoŭcaŭ, ščylnaść enierhii elemienta składaje 0,36 kVt⋅h/kh, što bolš, čym mierkavanyja 0,30 kV⋅h/kh batarei Tesla 4680.

WeLion vypuściła svaje pieršyja elemienty ŭ listapadzie 2022 hoda. Anody jačejek hrafita-kremnijevyja, katody z vysokim utrymańniem nikielu (80 pracentaŭ i bolš), elektralit paŭćvierdacielny. Kampanija nie zhadvaje, ci patrabujuć akumulatary jakoj-niebudź śpiecyjalnaj apracoŭki, naprykład, nahravańnia, što jość standartam dla ćviordych elektralitaŭ.

Jak adznačaje analityk Bloomberg Džyjan Šy (Jiayan Shi), WeLion — nie pieršaja kampanija, jakaja paśpiachova pastaŭlaje kamiercyjnyja paŭćvierdacielnyja batarei, ale jaje 0,36kVt⋅h/kh dasiahnuli samaj vysokaj ščylnaści enierhii siarod isnych kamiercyjnych akumulataraŭ dla elektramabilaŭ. Aŭtamabil Nio maje standartny pamier akumulatarnych batarej, ale WeLion atrymałasia ŭkłaści bolš enierhii ŭ toj ža abjom, i heta pośpiech.

Pavodle słoŭ Li, technałohija vyklikaje cikavaść u šyrokaha koła aŭtavytvorcaŭ, u tym liku Volkswagen, Ford Motor, Mercedes-Benz Group, Geely Automotive Holdings i kitajskaha vytvorcy bytavoj elektroniki Xiaomi.

Kab dasiahnuć svajoj ambicyjnaj mety ŭ prodažy, WeLion płanuje budaŭnictva čatyroch zavodaŭ u Kitai. Aproč elektramabilaŭ, batarei možna vykarystoŭvać dla sistem zachoŭvańnia enierhii i bieśpiłotnikaŭ.

Pavodle słoŭ analitykaŭ, małaimavierna, što batareja WeLion zmoža zamianić bolšaść lityj-ionnych batarej u najbližejšaj budučyni, uličvajučy vysoki košt vytvorčaści ćvierdacielnych elemientaŭ. Kampanii, chutčej za ŭsio, daviadziecca aryjentavacca tolki na raskošnyja aŭtamabili, bo joj nialohka źnižać košty.

Kampanija, mahčyma, nie zmoža skaracić dolu rynku hihantaŭ lityj-ionnych akumulataraŭ, jakija śpiecyjalizujucca na niedarahich batarejach dla bolš tannych elektramabilaŭ. Tamu da 2025 hoda WeLion, napeŭna, budzie zajmać mienš za 1% rynku, što nie pieraškadžaje kampanii płanavać pavieličeńnie vyručki da hetaha hoda ŭ 20 razoŭ.

Čytajcie jašče:

Vializnaje radovišča fasfataŭ u Narviehii moža całkam źmianić industryju elektramabilaŭ

Toyota zajaŭlaje, što jaje elektramabili nastupnaha pakaleńnia buduć mieć zapas chodu 1000 km

Novaja akumulatarnaja technałohija moža zrabić elektrasamaloty realnaściu

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?