Sajt, na jakim možna nabyvać kvitki, na roznych movach. U tym liku pa-biełarusku

Sajt, na jakim možna nabyvać kvitki, na roznych movach. U tym liku pa-biełarusku

Užo z nastupnaha tydnia ŭ Ryzie pačniecca mantaž sceny dla vialikaha kancerta artysta. Jak paviedamlałasia raniej, na stadyjon prybudzie bolš za 35 tysiač hledačoŭ.

Dziela taho, kab kožnamu hościu kancertu było ŭsio dobra vidać i čuvać, spatrebiłasia našmat bolš aparatury.

Z roznych jeŭrapiejskich krain budzie sabrana i pryvieziena niekalki ton hukavoha abstalavańnia, a taksama mnostva śvietłavoj techniki, tak jak akcent budzie mienavita na śvietłavym šou z salutam i šmatlikimi fiejervierkami.

— Heta budzie sapraŭdnaje šou. U hety momant my ŭsimi siłami źbirajem piratechniku, aśviatleńnie i huk z mnostva krain Jeŭropy, kab uvasobić toje, što zadumała kamanda Maksa Karža, — raspaviadaje pradstaŭnik techničnaha adździeła kancerta. — Dla takoj vialikaj placoŭki patrebna vialikaja kolkaść fiejervierkaŭ, piratechniki, dymavych ustanovak i mnostva roznych techničnych składnikaŭ, jakija adčuje kožny hość kancerta va ŭsich zonach.

Na kancercie ŭ Ryzie muzyka vykanaje najlepšyja pieśni i novyja.

Usie raniej nabytyja kvitki sapraŭdnyja na novuju datu (pieršapačatkova mierkavałasia, što kancert projdzie 29 lipienia, ale jon byŭ pieraniesieny ź mierkavańniaŭ biaśpieki).

Kvitki na vialiki kancert Maksa Karža dastupnyja na aficyjnaj staroncy mierapryjemstva www.korzhriga.lv. Cana kvitka ad 30 da 49 jeŭra.

Čytajcie taksama:

Maks Korž pieranosić kancert, jaki mieŭ adbycca praz tydzień u Ryzie

Maks Korž pabudavaŭ chatku prosta siarod lesu

Saładucha pachvaliŭsia, što za hod zarablaje 100—150 tysiač dalaraŭ

Клас
9
Панылы сорам
1
Ха-ха
3
Ого
0
Сумна
1
Абуральна
1