Aranžavy kavun, jak i zvyčajny, maje zialonuju skurku, choć na joj niama vyrazna vyjaŭlenych pałosak. Tamu, kab pakupniki nie zbłytali adzin z druhim, aranžavy paznačany nalepkaj.

Vyraścili hetuju niezvyčajnuju jahadu ŭ Rasii. Kaštuje ž aranžavy kavun daražej za zvyčajny praktyčna ŭ dva razy: pradajecca pa 2,49 rubla za kiłahram. Ekzemplar pamieram ź nievialiki miačyk abyšoŭsia ŭ 9 rubloŭ.

Pry razrazańni kavun traščyć. Asablivaść hetaha sortu nibyta niezvyčajna mocnaja skurka, «tamu jon dobry kandydat na dalokija pieravozki».

Miakać pachnie śviežaściu i nasyčanaj słodyčču. Tekstura jaje ščylnaja, kali pryhledziecca, jak byccam składajecca z sakavitych cukrynak. Kostački raźmiaścilisia ŭ adnu liniju — zdajecca, ich mienš, čym u zvyčajnym čyrvonym kavunie.

Što da smaku, to ŭsio vydatna. Moža, heta žurnalistam «Anłajniera» tak pašancavała, ale aranžavy kavun zdaŭsia im bolš sałodkim, čym kłasičny. Jon chrustki i sakavity — choć, napeŭna, takimi pavinny być usie kavuny.

A jašče ź im atrymlivajucca pryhožyja fatahrafii. Choć, viadoma, pytańnie: ci varta dziela ŭsiaho hetaha płacić udvaja bolš.

Čytajcie taksama:

Jahady padaraželi, a voś ceny na harodninu radujuć. Što pačym na Kamaroŭcy na vychadnych

U minskich kramach zaŭvažyli niezvyčajnyja kavuny FOTAFAKT

U Minsku źjavilisia pieršyja kavuny. Dzie tańniej: na rynku ci ŭ kramie? I jak pravilna vybrać

Клас
3
Панылы сорам
9
Ха-ха
3
Ого
4
Сумна
0
Абуральна
3