Fota: Mlh.by

Fota: Mlh.by

Bolš za 130 leśnikoŭ tušyli hetaj nočču lasny pažar u Białynickim lashasie. Na dapamohu mahiloŭskim kaleham pryjšli dva lashasy Minskaj vobłaści: Biarezinski i Krupski. Jany miažujuć z Mahiloŭskaj vobłaściu, paviedamlaje Ministerstva lasnoj haspadarki ŭ svaim telehram-kanale.

Tak, Biarezinski lashas nakiravaŭ na tušeńnie pažaru ŭ susiedziaŭ 40 čałaviek dziaržlesachovy, čatyry pažarnyja aŭtamabili, try traktary z bočkami, šeść lehkavych aŭtamabilaŭ i navat usiudychod HT-MU.

Krupski lashas akazaŭ apieratyŭnuju dapamohu Białynickamu i nakiravaŭ na tušeńnie pažaru 40 čałaviek, try pažarnyja aŭtamabili i dva traktary z płuhami.

Papiaredniaja płošča ŭzharańnia ŭ Eśmanskim laśnictvie skłała 3 ha. Jašče 1,5 ha lesu zhareła ŭ Starasłabodskim laśnictvie Krupskaha lashasa — pažar achapiŭ adrazu dźvie vobłaści.

Dziaržlesachova Krupskaha lashasa paśla paviedamleńnia ab uzharańni na terytoryi lasnoha fondu apieratyŭna vyjechała na miesca zdareńnia, likvidavała ahoń na svajoj terytoryi i adpraviłasia na dapamohu susiedziam. Razam ź imi na dapamohu susiedziam adpravilisia lesapažarnyja kamandy Biarezinskaha lashasa, jakija da hetaha dapamahali taksama krupčanam.

Što charakterna: da miesca pažaru ŭ Białynickim lashasie dziaržlesachova Biarezinskaha i Krupskaha dabrałasia kudy chutčej za mahiloŭcaŭ. Dziakujučy apieratyŭnaści ich dziejańniaŭ udałosia, nakolki heta mahčyma, minimizavać płošču ŭzharańnia.

Pry hetym Białynickim lashasam na tušeńnie lasnoha pažaru było nakiravana 50 słužbovych asob dziaržlesachovy, dva pažarnyja aŭtamabili, adzin traktar z bočkaj, dzieviać lehkavych aŭtamabilaŭ i taksama ŭsiudychod HT-MU.

Karta zabarony i abmiežavańniaŭ naviedvańniaŭ lasoŭ u Biełarusi. Čyrvonym paznačanyja rajony, dzie całkam zabaroniena. Žoŭtym, dzie ŭviedzienyja abmiežavańni (nielha zajazdžać na mašynie). Białynicki i Krupski rajony pafarbavanyja ŭ žoŭty koler. Karta mlh.by

Karta zabarony i abmiežavańniaŭ naviedvańniaŭ lasoŭ u Biełarusi. Čyrvonym paznačanyja rajony, dzie całkam zabaroniena. Žoŭtym, dzie ŭviedzienyja abmiežavańni (nielha zajazdžać na mašynie). Białynicki i Krupski rajony pafarbavanyja ŭ žoŭty koler. Karta mlh.by

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?