Jaje patrabavańni bolš čałaviečych umoŭ pobytovaha ŭtrymańnia byli vykananyja. Z Rečyckaha IČU Palina pieraviedziena ŭ SIZA-3 Homiela, dzie budzie znachodzicca da suda. Ciapier joj znoŭ možna budzie dasyłać listy, banderoli i hrašovyja pieravody. 

Palina miełasia vyjści na volu minułym letam, ale jaje asudzili da jašče 1 hoda kałonii. U krasaviku suprać žančyny zaviali ŭžo novuju spravu — znoŭ za «złosnaje niepadparadkavańnie administracyi kałonii».

Padtrymajcie Palinu: SIZA-3, 246003, Homiel, Knižnaja, 1A, Palina Siarhiejeŭna Šarenda-Panasiuk

Palinu Šarendu-Panasiuk zatrymali 3 studzienia 2021 hoda i asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki. Na volu jana miełasia vyjści letam minułaha hoda.

Ale letaś jaje asudzili pa art. 411 KK da jašče adnaho hoda kałonii i, adpaviedna, z kałonii nie vypuścili. Nie vypuścili na volu i hetym letam.

U krasaviku 2023 hoda suprać žančyny zaviali ŭžo novuju spravu — za «złosnaje niepadparadkavańnie administracyi kałonii». Na voli, za miažoj, zastajecca jaje muž i dvoje dziaciej.

Čytajcie taksama:

Palina Šarenda-Panasiuk, pratestujučy suprać biaskoncych ździekaŭ, abviaściła haładoŭku

«Ździekam nie bačna kanca». Palina Šarenda-Panasiuk znajšłasia ŭ rečyckim izalatary

Palina Šarenda-Panasiuk źnikła z homielskaha SIZA

Svajaki prosiać padtrymać palitźniavolenuju Palinu Šarendu-Panasiuk 

Клас
8
Панылы сорам
0
Ха-ха
0
Ого
0
Сумна
7
Абуральна
7