Zahinuły kiraŭnik PVK «Vahnier» Jaŭhien Pryhožyn u minułym prynosiŭ ježu nie tolki Pucinu, ale taksama i jaho vysokim haściam, siarod jakich byŭ tahačasny prezident ZŠA Džordž Buš. Zdymak zrobleny padčas samitu G8 u Sankt-Pieciarburhu, 2006 hod. Fota: Sergei Zhukov / AP

Zahinuły kiraŭnik PVK «Vahnier» Jaŭhien Pryhožyn u minułym prynosiŭ ježu nie tolki Pucinu, ale taksama i jaho vysokim haściam, siarod jakich byŭ tahačasny prezident ZŠA Džordž Buš. Zdymak zrobleny padčas samitu G8 u Sankt-Pieciarburhu, 2006 hod. Fota: Sergei Zhukov / AP

Były prezident ZŠA Džordž Buš «sa ździŭleńniem uspomniŭ», što kaliści jaho asabista absłuhoŭvaŭ zahinuły kiraŭnik PVK «Vahnier» Jaŭhien Pryhožyn. Buš vyrašyŭ padzialicca hetymi ŭspaminami, kali na minułych vychadnych jaho ab hetym adkryta spytali žurnalisty vydańnia The Washington Post.

Pa słovach byłoha prezidenta ZŠA, toj dakładna nie pamiataje sustrečy z Pryhožynym, ale nie ździŭleny jahonaj śmierciu. Buša bolš šakuje toj fakt, što Pryhožyn kaliści padavaŭ jamu ježu.

«Mianie nie ździviła jahonaja śmierć. Mianie bolš šakavała toje, što dniami ja ŭbačyŭ svoj fotazdymak z samitu G8 u Sankt-Pieciarburhu, dzie hety čałaviek padavaŭ mnie ježu. Jon byŭ kucharam Pucina. 

Viedaju tolki toje, što ja vyžyŭ paśla sustrečy ź im», — uspaminaje ź ironijaj Džordž Buš.

Samoha Pucina były prezident ZŠA acharaktaryzavaŭ jak «chitraha palityka, jaki nie baicca vykarystoŭvać uładu». Na dumku Buša, Pucin staŭ jašče bolš mahutnym, čym heta było padčas jahonaha prezidenctva.

«Z časoŭ majho prezidenctva Pucin staŭ jašče bolš mahutnym, ale ciapier jon adkusiŭ bolš, čym zmoža prahłynuć. Pieražyvie jon paražeńnie ŭ vajnie va Ukrainie ci nie — vyrašać rasijanam, bo jany razumnyja ludzi», — adznačyŭ Džordž Buš.

Jon taksama dadaŭ, što ZŠA i inšyja krainy pavinny praciahvać padtrymlivać Ukrainu ŭ jaje baraćbie suprać Rasii i dać ukraincam usio, što patrebna dla ich pieramohi.

Čytajcie taksama:

Bolš za pałovu łahiera PVK «Vahnier» pad Asipovičami demantavali — Biełaruski Hajun

Paśla śmierci Pryhožyna razharnułasia baraćba za jaho spadčynu

Pucin nazvaŭ pamyłkaj savieckaje ŭvarvańnie ŭ Vienhryju i Čechasłavakiju

Zachad choča vyciahnuć Navalnaha ŭ ramkach abmienu źniavolenymi z Rasijaj — The Wall Street Journal

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?