Kantaktny bot HUBAZiK

U videa pra zatrymanaha chłopca, jaki sam napisaŭ siłavikam dziela žartu, hubazikaŭcy pakazali, jak vyhladaje ichni kantaktny bot ź ichniaha boku.

Vyhlad paviedamleńnia ŭ kantaktnym bocie HUBAZiK

Vyhlad paviedamleńnia ŭ kantaktnym bocie HUBAZiK

Bot adrazu atrymlivaje jak imia i nik karystalnika, hetak i ID akaŭnta. To-bok kali vy tudy pišacie, to addajacie ID — važny paramietr, jaki moža vykarystoŭvacca dla deananimizacyi akaŭnta. Pra toje, jak znachodziać karystalnikaŭ pa ID, my pisali ŭ vialikim hajdzie pa deananimizacyi karystalnikaŭ u Telegram.

Pry hetym ID nie daje ničoha, kali akaŭnt abaronieny i čałaviek vykonvaje praviły biaśpieki — nie ŭstupaje ŭ adkrytyja čaty, nie piša ź jaho znajomym z realnaha žyćcia, a akaŭnt zarehistravany na zamiežny abo virtualny numar.

Znajści vas mohuć i pa juziernejmie, kali jon supadaje ź imiem karystalnika niejkaha z vašych sapraŭdnych akaŭntaŭ.

Ahułam, pisańnie ŭ bot «dziela žartu» nie vartaje — vy prosta pryciahvajecie lišniuju ŭvahu da siabie i heta pavysić ryzyki vašaj deananimizacyi.

Bot «Mahnit»

Botu «Mahnit» my pryśviačali asobny artykuł. Jaho zapuskali ŭ niekatorych zatrymanych, da jakich prychodzili z abłavami. Voś jak vyhladaje infarmacyja, jakuju vydaje bot:

«Vydača» telehram-bota «Mahnit»

«Vydača» telehram-bota «Mahnit»

Chutčej za ŭsio, jon źbiraje ID karystalnika telehrama, nik, jahonaje «bačnaje» imia i imia pry rehistracyi ŭ bocie. Imavierna, heta robicca dla taho, kab unieści jaho ŭ niejkuju ŭnutranuju sistemu, jakuju HUBAZiK paśla vykarystoŭvaje dla deananimizacyi karystalnikaŭ i pošuku ichniaj aktyŭnaści ŭ telehramie.

Nieviadoma, ci pracuje i vykarystoŭvajecca hety bot ciapier, ale hubazikaŭcy mohuć stvaryć jahonyja anałahi. Sens adzin — anijaki telehram-bot HUBAZiKa nie vydaść pra vas tych źviestak, jakich vy sami pra siabie nie pakinuli.

Bot «Voka Boha» i jahonyja anałahi

Łoha bota «Voka Boha». Fota: eyeofgod.mobi

Łoha bota «Voka Boha». Fota: eyeofgod.mobi

Takija boty źbirajuć infarmacyju z roznych bazaŭ źviestak i paśla vydajuć jaje tym, chto apłaciŭ padpisku. Ale z «Vokam Boha» jość niuans (jak i ź niekatorymi inšymi botami takoha kštałtu).

Dla aktyvacyi bota jon prosić u vas «addać» jamu vaš telefonny numar. Hety numar paśla jon vyvodzić u vydačy ŭsim achvotnym, u jakich jość padpiska na bot — paśla taho, jak vaša padpiska skončycca abo vy vydalicie akaŭnt.

Taksama jon źbiraje email-adrasy, jakija vy ŭvodzicie pry apłacie bota, i vyvodzić ich takim ža čynam. Źbiraje jon i vašu prykładnuju łakalizacyju.

To-bok značnaja častka bazy bota — heta źviestki, jakija tudy pieradali sami ž karystalniki. Za heta «Voka boha» šmat chto nie lubić, jak i za supracu z rasijskimi (i, imavierna, biełaruskimi) siłavymi strukturami.

Tamu, kali vy aktyvujecie bot, treba być peŭnym, što vaš akaŭnt dobra abaronieny i vy vykarystoŭvajecie virtualny abo zamiežny numar (pažadana, nie vaš asabisty). Padčas apłaty abirajcie vydumany e-mail.

Vysnova prostaja — nie dražnicie źviera. Navat kali vy stvorycie asobny dobra abaronieny akaŭnt i «dziela žartu» napišacie štości ŭ boty HUBAZiK — heta nie maje sensu. Nieviadoma, dzie paśla moža «vyleźci» vaš ličbavy śled. 

Čytajcie taksama:

Adkul biarucca danyja ŭ botach, z dapamohaj jakich siłaviki deananimizujuć ludziej u Telegram

Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć

Jak pačyścić telehram-boty, kab nie zastałosia nijakich śladoŭ VIDEA

Клас
28
Панылы сорам
4
Ха-ха
2
Ого
6
Сумна
1
Абуральна
11