Pratesty suprać klimatyčnych źmienaŭ. Na płakacie napisana «Nie isnuje zapasnoj płaniety». Fota: pixaby

Pratesty suprać klimatyčnych źmienaŭ. Na płakacie napisana «Nie isnuje zapasnoj płaniety». Fota: pixaby

Maładyja ludzi abvinavačvajuć kiraŭnictva 32 jeŭrapiejskich krain u niazdolnaści adekvatna vyrašyć prablemy, źviazanyja z hłabalnym paciapleńniem. Jany śćviardžajuć, što ihnaravańnie krainami klimatyčnaha kryzisu parušaje ich prava na žyćcio.

Praces sapraŭdy histaryčny, bo heta pieršy vypadak, kali stolkim krainam daviadziecca abaraniacca ŭ sudzie, dy jašče i takoha vysokaha ŭzroŭniu, jak Jeŭrapiejski sud pa pravach čałavieka (JESPČ).

Siarod «abvinavačvanych» — usie 27 krain Jeŭraźviaza, a taksama Narviehija, Turcyja, Vialikabrytanija i navat Rasija.

«Staŭki vysokija: pieramoha niekalkich ekaaktyvistaŭ u sudzie moža jurydyčna vymusić krainy pierahledzieć svaju klimatyčnuju palityku i značna skaracić vykidy, što vyklikajuć hłabalnaje paciapleńnie na płaniecie», — paviedamlaje Euronews.

Euronews cytuje adnaho ź inicyjataraŭ pazovu —piatnaccacihadovaha partuhalca Andre Santuša Alivejra: «U Partuhalii my ŭsie sutykajemsia z chvalami śpiakoty i zasuchi, jakija ŭ niekatorych vypadkach mohuć akazacca fatalnymi. Heta śpiakota pahražaje našamu pravu na žyćcio i, što taksama vielmi važna, pravu na pryvatnaje žyćcio».

Maładyja ludzi śćviardžajuć, što choć jany i žyvuć na pieradavoj klimatyčnaha kryzisu (Partuhalija štohod sutykajecca z rekordnaj śpiakotaj, lasnymi pažarami i inšymi prablemami), ale hłabalnaje paciapleńnie nie viedaje miežaŭ. Pa ich słovach, kali ničoha nie pamianiajecca, taja ž Partuhalija sutykniecca sa śpiakotaj 40°C, jakaja budzie doŭžycca miesiac i navat bolš.

«Aktyvisty kažuć, što kiraŭnictva krain parušaje nie tolki ich prava na žyćcio, ale i prava na svabodu ad katavańniaŭ i biesčałaviečnaha ci prynižajučaha hodnaść staŭleńnia. Kali jany zdolejuć usio dakazać, to heta budzie pieršy raz u historyi, kali ŭ sudzie pryznajuć parušeńnie mienavita hetych pravoŭ ŭ spravie, datyčnaj ekałohii i klimatyčnych źmienaŭ», — adznačaje Euronews.

Abvinavačanyja krainy, u svaju čarhu, zajavili, što maładyja ludzi nie padali dastatkova dokazaŭ suviazi pamiž ich klimatyčnaj palitykaj i škodaj, jakuju tyja atrymali. Akramia taho, urady kažuć, što nie byli pradstaŭlenyja i dokazy taho, što dziejańni ich krain nanieśli škodu fizičnamu i psichičnamu zdaroŭju ludziej. Krainy śćviardžajuć, što nie niasuć adkaznaść za abaronu pravoŭ čałavieka za miežami svajoj jurysdykcyi.

Na vyniasieńnie prysudu moža spatrebicca da 18 miesiacaŭ. Hrupa aktyvistaŭ, jakim dapamahaje Global Legal Action Network (arhanizacyja, jakaja zmahajecca z parušeńniami pravoŭ čałavieka), nie patrabuje ad dziaržaŭ hrašovaj kampiensacyi, ale nastojvaje na źmienach u palitycy ŭ śfiery ekałohii.

Čytajcie taksama:

Ciapier aficyjna: heta było samaje śpiakotnaje leta za ŭsiu historyju nazirańniaŭ

Viadomaje i mnohimi lubimaje vino Prasieka moža całkam źniknuć z-za hłabalnaha paciapleńnia

Rekordna nizki ŭzrovień lodu ŭ Antarktydzie zabiŭ tysiačy ptušaniat pinhvinaŭ

Клас
7
Панылы сорам
10
Ха-ха
6
Ого
2
Сумна
1
Абуральна
3