Vahnieraŭcy ŭ Rastovie-na-Donie padčas miaciažu Jaŭhiena Pryhožyna 24 červienia. Praz dva miesiacy, 23 žniŭnia, Jaŭhien Pryhožyn zahinie ŭ avijakatastrofie nad Ćviarskoj vobłaściu. Fota: Arkady Budnitsky / Anadolu Agency via Getty Images

Vahnieraŭcy ŭ Rastovie-na-Donie padčas miaciažu Jaŭhiena Pryhožyna 24 červienia. Praz dva miesiacy, 23 žniŭnia, Jaŭhien Pryhožyn zahinie ŭ avijakatastrofie nad Ćviarskoj vobłaściu. Fota: Arkady Budnitsky / Anadolu Agency via Getty Images

«Byłyja vajskoŭcy pryvatnaj vajennaj kampanii «Vahnier» ciapier sapraŭdy prysutničajuć na terytoryi ŭschodniaj hrupoŭki vojskaŭ. Jany ŭdzielničajuć u bajavych dziejańniach. U pryvatnaści, jany pastupajuć z terytoryi Biełarusi, dzie byli ich łahiery», — raskazaŭ «Ukrainskaj praŭdzie» pradstaŭnik Uschodniaj hrupoŭki vojskaŭ USU Illa Jeŭłaš.

Pa jaho słovach, zaraz ich rasfarmiroŭvajuć.

«Hetyja vajskoŭcy pastupajuć u roznyja padraździaleńni: častka ź ich adpraŭlajecca ŭ Afryku, niekatoryja pierapadpisvajuć kantrakty ź Minabarony Rasii i ŭdzielničajuć (u vajnie) na roznych pasadach, u pryvatnaści, na instruktarskich. Niekatoryja iduć u zvyčajnyja bajavyja padraździaleńni. Jany nie niasuć takoj pahrozy, jak heta było, naprykład, jašče hod tamu praz hibiel ich hałoŭnaha zavadatara Jaŭhiena Pryhožyna», — skazaŭ ukrainski vajskoviec.

Jon dadaŭ, što, takim čynam, rasijskija najmity naŭrad ci zmohuć nieści takuju pahrozu jak raniej.

U pamiežnaj słužbie raniej kazali, što na terytoryi Biełarusi znachodziłasia bolš za 6 tysiač vahnieraŭcaŭ. Ciapier, sa słoŭ pres-sakratara DPSU Ukrainy Andreja Dziemčanki, u Biełarusi zastałosia kala 500 bajevikoŭ.

Taksama viadoma, što častka vahnieraŭcaŭ viarnułasia ŭ rajon Bachmuta.

Čytajcie taksama:

Vahnieraŭcy zajavili, što praciahvajuć pracu na biełaruskim kirunku

«Bajpoł» aceńvaje kolkaść vahnieraŭcaŭ u Celi ŭ nie bolš jak 200 čałaviek

Paviedamili pra poŭny demantaž łahiera vahnieraŭcaŭ pad Asipovičami. «Biełaruski Hajun» piarečyć

Клас
10
Панылы сорам
0
Ха-ха
2
Ого
2
Сумна
0
Абуральна
6