Aleh Sarnacki. Fota: belarusinfo.by

Aleh Sarnacki. Fota: belarusinfo.by

Zhodna z materyjałami spravy, abvinavačany z 2018 hoda da sakavika 2022-ha nibyta sistematyčna atrymlivaŭ hrašovyja srodki ad pradstaŭnikoŭ kamiercyjnych arhanizacyj — pastaŭščykoŭ endapratezaŭ za kožnuju praviedzienuju apieracyju pa tatalnym endapratezavańni tazaściehnavoha abo kalennaha sustavaŭ z materyjałaŭ ich vytvorčaści.

Za ŭvieś čas były zahadčyk adździaleńnia nibyta atrymaŭ uznaharodžańnie ŭ pamiery 750 dalaraŭ ZŠA i zvyš 15 tys. jeŭra.

Paviedamlajecca, što ŭ chodzie sudovaha śledstva abvinavačany čystasardečna raskajaŭsia i kampiensavaŭ u poŭnym abjomie dachod, atrymany niezakonnym šlacham.

Sud Kastryčnickaha rajona Mahilova vynies abvinavaŭčy prysud, ale ŭ kałoniju Aleha Sarnackaha pakul nie adpraviać. Jamu pryznačana pakarańnie ŭ vyhladzie pazbaŭleńnia voli na termin 4 hady z adterminoŭkaj jaho vykanańnia na 2 hady sa štrafam u pamiery 600 bazavych vieličyń (22,2 tys. rubloŭ).

57-hadovaha Aleha Sarnackaha zatrymali letaś u sakaviku. Tady jon byŭ zahadčykam artapiedyčnaha adździaleńnia Mahiloŭskaj balnicy №1. Na hetu pasadu jaho pryznačyli ŭ kastryčniku 2012 hoda.

Pa vyzvaleńni sa śledčaha izalatara Sarnackaha adpravili šarahovym traŭmatołaham u Mahiloŭskuju abłasnuju balnicu.

Letaś u kancy sakavika pa krainie byli zatrymany 35 traŭmatołahaŭ. Bolšaść ź ich byli kiraŭnikami traŭmatałahičnych adździaleńniaŭ. Za kratami apynulisia taksama pradstaŭniki piaci kamiercyjnych arhanizacyjaŭ.

Usich vinavacili ŭ atrymańni chabaru za łabiravańnie nabyćcia endapratezaŭ u zamiežnych vytvorcaŭ, a taksama ŭ niezakonnym hrašovym uznaharodžańni.

Kab vyjści na volu, zatrymanyja mielisia pryznać vinu, kratna spłacić naniesienuju škodu i pahadzicca pracavać tam, dzie skaža ministr achovy zdaroŭja.

U krasaviku bolšaść miedykaŭ była vyzvalena. Niekatoryja vymušana stali pradavać majomaść, kab raźličycca. 

Čytajcie taksama:

U Mahilovie sudziać dvuch daktaroŭ pa «spravie artapiedaŭ». Adzin ź ich vučyŭ syna byłoha ministra achovy zdaroŭja

«Patraciŭ 8 tysiač dalaraŭ na zuby». U kolki biełarusam abychodziacca stamatałahičnyja pasłuhi?

«Adzin budzie mianiać, a dvoje — zašyvać ranu». Łukašenka daručyŭ da kanca hoda zrabić apieracyi pa endapratezavańni ŭsim, chto staić u čarzie

Клас
4
Панылы сорам
2
Ха-ха
4
Ого
2
Сумна
4
Абуральна
13