Fota: Uefa.com

Fota: Uefa.com

UEFA razvažaje nad varyjantam źmianić farmat jeŭrakubkaŭ, paviedamlaje Championat.com sa spasyłkaj na Marca.

Pavodle krynicy, kiraŭniki UEFA i Asacyjacyja jeŭrapiejskich kłubaŭ razhladajuć varyjant ukaranieńnia troch dyvizijonaŭ — Supierlihi, Lihi Jeŭropy i Lihi pretendentaŭ. Pamiž hetymi tryma dyvizijonami budzie baraćba za pavyšeńnie i panižeńnie ŭ kłasie.

Čakajecca, što ŭ kancy kastryčnika źbiarecca vykanaŭčy kamitet UEFA, dzie budzie abmiarkoŭvacca hetaje pytańnie. Pry hetym čakajecca, što kali novy farmat budzie pryniaty, to ŭstupić u siłu nie raniej za 2027 hod.

Nahadajem, ź siezona-2024/2025 budzie dziejničać novy farmat Lihi čempijonaŭ. 36 kłubaŭ buduć udzielničać u asnoŭnym etapie turniru. Pa novym farmacie kožny kłub praviadzie vosiem matčaŭ suprać vaśmi roznych kamand — čatyry na svaim poli i čatyry na čužym.

Pa vynikach matčaŭ budzie składziena ahulnaja turnirnaja tablica. Vosiem najlepšych kamand ahulnaha etapu naŭprost vyjduć u 1/8 finału. Tyja, chto zojmie miescy z 9-ha pa 24-je, praviaduć sparanyja stykavyja matčy za prava dałučycca da vaśmiorki najlepšych kamand.

Ciapier hrupavy raŭnd Lihi čempijonaŭ składajecca z vaśmi hrupaŭ pa čatyry kamandy.

Čytajcie taksama:

Hety słavuty i samabytny futbolny kłub moža spynić isnavańnie — miedyja

U Francyi 22-hadovy futbalist pahražaŭ skoknuć sa 100-mietrovaj vyšyni

«Ćviorda trymaŭsia naš koŭč na daprosie». Biełaruski trenier naadrez admoviŭsia adkazvać na pytańni paśla matča

Клас
3
Панылы сорам
4
Ха-ха
0
Ого
0
Сумна
0
Абуральна
2