Papa Francišak. Fota: Andrew Medichini

Papa Francišak. Fota: Andrew Medichini

Papa Francišak miarkuje, što jon byŭ by nie suprać, kab Katalickaja carkva błasłaŭlała adnapołyja pary, piša Bi-bi-si.

Adkazvajučy hrupie kardynałaŭ, jakija paprasili jaho ŭnieści jasnaść u hetaje pytańnie, jon skazaŭ, što da luboj prośby ab błasłaŭleńni varta stavicca z «pastyrskaj spahadaj».

«My nie možam być sudździami, jakija tolki admaŭlajuć, adryvajuć i vyklučajuć», — skazaŭ jon.

Adnak Papa dadaŭ, što carkva pa-raniejšamu ličyć adnapołyja adnosiny «abjektyŭna hrachoŭnymi» i nie pryznaje adnapołyja šluby.

Hety zapyt byŭ adnym z mnohich, nakiravanych pantyfiku pierad šmattydniovym Hłabalnym schodam dla abmierkavańnia budučyni Katalickaj carkvy, jaki pavinien pačacca ŭ Vatykanie ŭ sieradu.

Biskupy ŭ šerahu krain, u tym liku ŭ Bielhii i Niamieččynie, pačali dazvalać śviataram błasłaŭlać adnapołyja pary, ale pazicyja carkoŭnych uładaŭ zastavałasia niajasnaj. U 2021 hodzie, paśla anałahičnaha zapytu ab tłumačeńni, daktrynalnaje kiraŭnictva Vatykana vyniesła rašeńnie nie dazvalać hetu praktyku.

Adkazvajučy na apošni zapyt, Papa skazaŭ, što carkva razumieje šlub jak «vyklučny, stabilny i nieparyŭny sajuz pamiž mužčynam i žančynaj» i pavinna paźbiahać «luboha vidu abradaŭ abo sakramentaŭ, jakija mohuć supiarečyć hetamu pierakanańniu».

Ale jon dadaŭ, što «kali prosiać błasłavieńnia, to vykazvajuć prośby da Boha ab dapamozie, prośby žyć lepš».

Papa pierakanany, što carkva zaŭsiody pavinna padychodzić da svaich adnosin ź ludźmi z «dabrynioj, ciarpieńniem, razumieńniem, piaščotaj i zaachvočvańniem».

Čytajcie taksama:

Papa Francišak pryniaŭ apostalskaha nuncyja Ante Joziča

Papa Francišak pryznaŭ niedarečnaść zhadki pra rasijskich impierataraŭ u svajoj pramovie

Papa Francišak nazvaŭ hetu biełaruskuju žančynu śviatoj. Raskazvajem, chto heta

Клас
0
Панылы сорам
5
Ха-ха
0
Ого
0
Сумна
0
Абуральна
1