Rusłan Sieradziuk. Fota: Daniel Anohin

Rusłan Sieradziuk. Fota: Daniel Anohin

Paŭvostraŭ Rejkjanies znachodzicca na paŭdniovym zachadzie Isłandyi. Heta 30 kiłamietraŭ ad stalicy Rejkjavik. Niedaloka — viadomy termalny kurort «Błakitnaja łahuna», ciapier prajezd da jaho začynieny.

Z pačatku kastryčnika ŭ rehijonie, dzie apynuŭsia chłopiec, było zafiksavana bolš za 24 tysiačy ziemlatrusaŭ, ale šturški małoj amplitudy — nie redkaja źjava dla krainy. U Isłandyi naličvajecca 33 dziejučyja vułkaničnyja sistemy, jakija ŭpłyvajuć na tektaničnuju aktyŭnaść.

Prajezd da kurorta «Błakitnaja łahuna» začynieny, 10 listapada 2023 hoda. Fota: Raul Moreno / SOPA Images/LightRocket via Getty Images

Prajezd da kurorta «Błakitnaja łahuna» začynieny, 10 listapada 2023 hoda. Fota: Raul Moreno / SOPA Images/LightRocket via Getty Images

Adnak 10 listapada aktyŭnaść uzrasła: tolki za adny sutki ŭ rajonie Rejkjanies było zafiksavana amal 800 šturškoŭ. Pavodle źviestak Mietearałahičnaha ŭpraŭleńnia Isłandyi, siła ziemlatrusu miescami składała 5,2 bała pa škale Rychtara. U momant pikavaj aktyŭnaści Rusłan znachodziŭsia niedaloka ad epicentra:

«Učora ŭviečary prykmietna tresła. Treślisia ścieny, rečy dryželi. Ja adčuvaŭ šturški, ale, viadoma, jany byli nie takija mocnyja, jak u horadzie».

Nieŭzabavie ŭłady krainy abjavili ab uviadzieńni nadzvyčajnaha stanovišča.

Mietearałahičnaje ŭpraŭleńnie papiaredžvaje, što vułkan moža pračnucca ŭžo praź niekalki dzion. Navukoŭcy aścierahajucca, što mahma dasiahnie prybiarežnaha horada Hryndavik, nasielnictva jakoha składaje kala 4 tysiač čałaviek. Pobač ź im zaraz i znachodzicca Rusłan.

Niahledziačy na heta, paniki na paŭvostravie atrymoŭvajecca paźbiehnuć. «Tut nie strašna. Tut i miascovyja nie mocna pieražyvajuć. Budynki nie ŭpaduć», — kaža fatohraf.

Pa słovach Rusłana, ułady krainy trymajuć situacyju pad kantrolem i ŭvieś čas manitorać siejśmičnuju aktyŭnaść. Sam chłopiec stavicca da taho, što adbyvajecca, z dolaj pazityvu:

«Kali vyviaržeńnie budzie siońnia-zaŭtra, to budu zdymać i zastanusia ŭ Isłandyi na paru dzion. Chaciełasia b zrabić pryhožyja kadry, raz apynuŭsia tut. Šmat fatohrafaŭ prylacieła i čakajuć vyviaržeńnia».

Pa paviedamleńniach Reuters, ułady Isłandyi ŭžo zaviaršyli evakuacyju žycharoŭ ź niebiaśpiečnaha rehijona.

Z pačatku 2021 hoda na paŭvostravie Rejkjanies byli zafiksavany try vyviaržeńni: u sakaviku 2021 hoda, žniŭni 2022 hoda i lipieni 2023 hoda, ale tady škody infrastruktury abo nasielenym punktam zafiksavana nie było. 

Čytajcie taksama:

Heta lehiendarnaje fota z pratestaŭ vy dakładna bačyli. Vialikaje intervju ź jaho aŭtaram, jakoha evakujavali ź Biełarusi. «Pavinien byŭ zdymać 9 žniŭnia viasielle siłavika»

Клас
4
Панылы сорам
1
Ха-ха
2
Ого
6
Сумна
0
Абуральна
2

Chočaš padzialicca važnaj infarmacyjaj ananimna i kanfidencyjna?