Hanna Sierhiejenka sprava. Fota: instagram.com/miss._a.nn.a_

Hanna Sierhiejenka sprava. Fota: instagram.com/miss._a.nn.a_

Hanna Sierhiejenka — dačka zaŭždy strymanaha śpiecsłužbista Ihara Sierhiejenki, jaki sa śniežnia 2019-ha ŭznačalvaje Administracyju Łukašenki.

Asnoŭnaja funkcyja Administracyi — kadravaja rabota, padbor łajalnych vykanaŭcaŭ i adsiejvańnie varožaha elemienta ź dziaržaparatu.

Aznajomiŭšysia z publičnymi aktyŭnaściami dački top-čynoŭnika, možna skazać, što Sierhiejenka trymaje vysokija standarty nie tolki ŭ śfiery dziaržaŭnaha budaŭnictva ź jaho biełaruskaj śpiecyfikaj, ale i dačku jamu, u adroźnieńnie ad mnohich inšych łukašenkaŭcaŭ, udałosia vychavać pa prafiesijnaj instrukcyi i ŭ duchu ideałaŭ minuŭščyny. 

Hanna Sierhiejenka ŭ 2021-m skončyła 42-ju minskuju himnaziju imia Žaresa Ałfiorava, jakaja znachodzicca nasuprać budynka Kamiteta dziaržaŭnaj biaśpieki na vulicy Kamsamolskaj.

Ciapier jana druhakurśnica jurfaka BDU, staršynia tamtejšaj studenckaj rady. 

Aktyvistka jurfaka

Pieršaha listapada jurfak, pieražyŭšy kadravyja čystki, adznačaŭ svajo 98-hodździe, i na sajcie fakulteta vyjšaŭ pra heta materyjał u dvuch častkach, poŭny fota. 

«Naša Niva» źviarnuła ŭvahu na studentku, jakaja časta była ŭ kadry pobač z dekanam. Akazałasia, što hetaja studentka — Hanna Sierhiejenka. 

Na cyrymonii śviatkavańnia Hanna vystupała pierad studentami treciaj, paśla dekana Šydłoŭskaha i namieśnika dekana pa vychavaŭčaj rabocie Suchaparava. 

Fota: law.bsu.by

Fota: law.bsu.by

Paśla zabaŭlalnych kvestaŭ u ramkach śviatkavańnia Hanna Sierhiejenka ad imia studenckaj rady jurfaka vypisała dypłomy vykładčykam: były hienprakuror i staršynia Viarchoŭnaha suda Ryhor Vasilevič atrymaŭ z ruk Hanny siertyfikat «Najlepšy daśledčyk», dekan Andrej Šydłoŭski — «Krynica natchnieńnia». I hetak dalej. 

Vasilevič atrymlivaje dypłom ad Sierhiejenki. Skrynšot z law.bsu.by

Vasilevič atrymlivaje dypłom ad Sierhiejenki. Skrynšot z law.bsu.by

«Siarod studentaŭ — lidaraŭ jurydyčnaha fakulteta pa vynikach hałasavańnia naminacyi raźmierkavalisia tak: staršynia studsavieta Hanna Sierhiejenka — pryzior naminacyi «Studencki dypłamat». Sakratar BRSM jurfaka Kirył Panamaroŭ — «Tvorčy arhanizatar», pieršy namieśnik sakratara BRSM Lizavieta Čamadanava — «Prahresiŭny natchnialnik», kiraŭnik Studenckaj kuratarskaj słužby Saviel Łapicki — «Studencki kiraŭnik hoda». 

Hanna taksama atrymała dypłom. Fota: law.bsu.by

Hanna taksama atrymała dypłom. Fota: law.bsu.by

«Śviatočnyja mierapryjemstvy praciahnulisia padarunkam jurydyčnamu fakultetu — abnaŭleńniem fotahalerei navukovych i hramadskich mierapryjemstvaŭ z udziełam administracyi, prafiesarska-vykładčyckaha składu, hanarovych haściej dziaržaŭnych orhanaŭ i arhanizacyj, studentaŭ.

Adkryćcio fotahalerei było arhanizavana pa inicyjatyvie dekana jurydyčnaha fakulteta Andreja Viktaraviča Šydłoŭskaha ŭ padarunak rabotnikam i studentam jurydyčnaha fakulteta», — u pieršaj ramcy «padarunka» fakulteta bačnyja tvary Šydłoŭskaha z Hannaj Sierhiejenka. 

Fota: law.bsu.by

Fota: law.bsu.by

Paśla paziravańnia kala svaich ułasnych fota Andrej Šydłoŭski zadźmie śviatočny tort. 

Adciahnuŭšysia ad spravazdač śviatkavańnia, my zaŭvažyli, što Hanna ŭ cełym nie prapuskaje ideałahičnych mierapryjemstvaŭ na jurfaku. 

Voś jana pad słovy Aleha Ramanava, što «Biełaja Ruś» — heta asnova prezidenta», atrymlivaje ź jaho ruk svajo siabroŭskaje paśviedčańnie. 

Fota: law.bsu.by

A voś siadzić u pieršych šerahach na sustrečy z šarłatanami rasijskaha «Jasna Centra», jakija ciapier vystupajuć u ścienach biełaruskich univiersitetaŭ.

Fota: law.bsu.by

Fota: law.bsu.by

Hanna chadziła na ekskursiju ŭ SIZA na Vaładarskaha, a taksama na premjeru prapahandysckaj stužki «Na inšym bierazie».

Fota: law.bsu.by

Fota: law.bsu.by

Znaŭca kuchni i amatarka Azaronka

Aproč aktyŭnaściaŭ na jurfaku, Hanna Sierhiejenka viadzie adkryty instahram. 

Jon typovy dla dziaŭčyny jaje ŭzrostu — madelnyja fota, zapisy pieražyvańniaŭ pad imi. 

Fota: instahram dziaŭčyny

Fota: instahram dziaŭčyny

Fota z respublikanskaha navahodniaha balu ŭ biełaj sukiency. 

Fota: instahram dziaŭčyny

Fota: instahram dziaŭčyny

Ale jość paru admietnych momantaŭ, jakija znojdzieš u akaŭncie nie kožnaj minskaj druhakurśnicy. 

Adna z zachavanych padborak instahram-historyj nazyvajecca «U režymie praŭdy». 

Adkryŭšy jaje, čuješ nienavisny miljonam baryton: «Dzie ž vy ciapier? Niama ni honaru, ni sumleńnia, ni hrošaj, ni radzimy. Tolki oooooordeeeenyy Iiiiuuudy!» — ravie Azaronak u zachavanym Hanny Sierhiejenka. Jana chadziła na zapis jaho vystupleńniaŭ. 

Pry hetym nie adnojčy. 

Chadziła Hanna i ŭ masoŭku prajekta «Lidarskaja płatforma «Kamanda budučyni». Heta prajekt łukašenkaŭcaŭ pa pošuku moładzi, jakaja padzialaje dziaržaŭnuju ideałohiju i choča rabić karjeru ŭ sistemie.

Dyskusijnyja kłuby hetaha prajekta taksama viadzie Azaronak. Hanna chodzić. Jak udzielnica ci jak hladačka — nie razabrać. U Hanny jość usie šansy ŭ budučyni stać čynoŭnicaj, ad čyjho rašeńnia buduć zaležać losy asobnych ludziej i krainy. 

Miarkujučy pa publikacyjach u instahramie, hieahrafija padarožžaŭ Hanny — heta kurorty Turcyi i Bałharyi, Baku i Maskva. 

«Kažuć, Maskva nie śpić. Što nočču žyćcio ŭ joj taksama viruje, ja siońnia sama ŭ hetym pierakanałasia. Ad pryhažości centralnych vulic serca zamiraje, a ŭ hałavie ŭźnikaje proćma dumak… Ja prosta zakachałasia ŭ Maskvu», — apisvała Hanna svaje ŭražańni ad stalicy Rasii. 

U kulinaryi Hanna cenić desierty i publikuje toje, što jeść, asobna. 

Fota: instahram dziaŭčyny

Fota: instahram dziaŭčyny

Bolšaść kulinarnych zamalovak Hanna supravadziła teham elitnaha restarana ŭ Drazdach Astoria Riverside. Kavałak pachłavy, jaki ŭraziŭ Hannu, kaštuje tam 17 rubloŭ. 

Fota: instahram dziaŭčyny

Fota: instahram dziaŭčyny

Hanna ŭžo nosić na svaim pinžaku čyrvona-zialony ściažok, jak darosłyja łukašenkaŭcy.

A kankretna hetaje fota, sa ściažkom BRSM na stale, jana supravadziła fiłasofskim pytańniem da aŭdytoryi: «A što ty zrabiŭ dla Radzimy?»

Čytajcie taksama: 

Dačka dyrektara «Linii Stalina» i ŭnučka zasnavalnika «Hardservisa» pierajechała ŭ Polšču. A voś na čym zarablaje ich siamja

«Atačyŭ siabie danosčykami». Raskazvajem pra dekana jurfaka BDU, sa studentam jakoha dvojčy zapisali videa ŭ duchu siłavikoŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?