Nastaśsia «Sievier» Machamiet. Fota: sacyjalnyja sietki

Nastaśsia «Sievier» Machamiet. Fota: sacyjalnyja sietki

«U mianie jość pryčyna bolš tut nie zastavacca. Padrabiaznaściaŭ nie dadzieny momant nie budzie. Jak havorycca, biez kamientaroŭ», — paviedamiła Nastaśsia ŭ instahramie.

«Našaj Nivie» kamandzirka evakuacyi bataljona «Vołat» pałka Kalinoŭskaha ŭdakładniła, što jaje namier syści «nie źviazany sa zdaroŭjem».

Na pytańnie, ci zastaniecca jana ŭ šerahach dobraachvotnikaŭ, ci sydzie zusim, adkazała, što hetaha nie moža abmiarkoŭvać.

Nastaśsia Machamiet zapisałasia miedykam u terabaronu na treci dzień poŭnamaštabnaj ahresii Rasii suprać Ukrainy. 

U sakaviku pierajšła da biełaruskich dobraachvotnikaŭ, jakim patrabavaŭsia lekar. 

Spačatku ŭ kalinoŭcaŭ Nastaśsia vykonvała abaviazki tyłavoha miedyka, a ź siaredziny maja pierajšła ŭ evakuacyju. Dziaŭčyna vyvozić ź pieradavoj paranienych vajskoŭcaŭ.

Nastaśsia «Sievier» Machamiet u mašynie ekipažu evakuacyi. Fota: archiŭ Nastaśsi «Sievier» Machamiet

Nastaśsia «Sievier» Machamiet u mašynie ekipažu evakuacyi. Fota: archiŭ Nastaśsi «Sievier» Machamiet

Sioleta Nastaśsiu paraniła. Jana atrymała čerapna-mazhavuju traŭmu, kali pobač z mašynaj, jakoju jechali miedyki, uzarvaŭsia snarad.

Nastaśsia ŭznaharodžanaja ordenam «Za mužnaść» 3-j stupieni. Uznaharodu atrymała z ruk prezidenta Ukrainy Uładzimira Zialenskaha. 

Paramiedyk maje taksama miedal BNR za bajavyja zasłuhi.

Nastaśsia ličyć samym niepryjemnym na froncie ŭnutranyja razborki. Samym ža pryjemnym: kali vajary viartajucca z zadańnia žyvymi.

Samaje strašnaje, kaža jana — hublać ludziej, a jašče ciažej, kali ich los nieviadomy.

Nastaśsia naradziłasia ŭ Ivacevičach. Jaje baćka vajskoviec. Z 10 hadoŭ žyła ŭ Minsku. Jana vypusknica Barysaŭskaha miedycynskaha kaledža i Biełaruskaha dziaržaŭnaha miedycynskaha ŭniviersiteta.

Try hady pracavała ŭ minskaj radzilni № 1. Internaturu prachodziła ŭ Mahiloŭskim abłasnym ankałahičnym dyspansiery. Cikaviłasia vajenna-palavoj chirurhijaj.

Była staršynioj studenckaha niezaležnaha prafsajuza. Udzielničała ŭ akcyjach pratestu 2020 hoda. U 2021 hodzie praz Maskvu vyjechała ŭ Kijeŭ.

Nastaśsia napisała knihu z historyjami ŭdzielnikaŭ biełaruskaha pratestu «Duch svobody: Naśledniki partizan». Jaje tvor u volnym dostupie. Dziaŭčyna daŭno piša pad psieŭdanimam «Aleksandr Viert».

Hladzicie taksama:

«My pieražyvajem śmierć nadziej i stalejem jak nacyja». Psichołahi pra toje, što ciapier adbyvajecca ź biełarusami i jak z hetym spravicca

Niavola, vajna i vyhnańnie raskryli ŭ mnohich biełarusach supierzdolnaści

Traŭmatołah i kalinoviec raskłali pa paličkach «lepšuju za nataŭskuju» aptečku

«U mianie na rukach pamierli «Vołat» i «Brest». Biełaruski paramiedyk «Brovar» raskazaŭ pra svaje paŭtara hoda na vajnie

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?