«Babuškina krynka», hałoŭny administracyjny budynak. Fota: mogilevnews.by

«Babuškina krynka», hałoŭny administracyjny budynak. Fota: mogilevnews.by

Samy bujny hulec małočnaha rynku rehijonu

«Babuškina krynka» paŭstała z savieckaha małočnaha kambinata, uźviedzienaha ŭ 1979 hodzie. U 1995-m Mahiloŭski małočny kambinat staŭ adkrytym akcyjaniernym tavarystvam. Z 2006-ha jano viadomaje pad ciapierašniaj nazvaj. 

«Babuškina krynka» — samy bujny hulec na małočnym rynku Mahiloŭščyny.

U 2012 hodzie jana atrymała status chołdynhavaj kampanii. U 16 z 21 rajonaŭ rehijonu pracujuć jaje filijały. U minułym heta savieckija małakazavody, jakija za apošnija dziasiatak hadoŭ madernizavali.

Ahulnaja kolkaść rabotnikaŭ chołdynhu siahaje 4 tysiač čałaviek. U hłybincy filijały «Babuškinoj krynki» časam ci nie adzinyja dziejnyja pradpryjemstvy ź niakiepskim zarobkam. Pavodle słoŭ rabotnikaŭ, jany zarablajuć kala tysiačy rubloŭ.

Kampanija ciapier šukaje bolš za 50 rabotnikaŭ, pieravažna dla svaich filijałaŭ u rajcentrach. Im patrabujucca inžyniery, kiroŭcy, traktarysty, ślesary i śpiecyjalisty-małočniki.

Admietna, što syravinavaja baza kampanii nie achoplivaje Škłoŭskaha rajona, dzie jość svajo małakapierapracoŭčaje pradpryjemstva.

Hienadź Skitaŭ pakazvaje pieršamu namieśniku kiraŭnika administracyi Łukašenki Maksimu Ryžankovu vytvorčaść «Babuškinoj krynki» ŭ Słaŭharadzie. Fota: sb.by

Hienadź Skitaŭ pakazvaje pieršamu namieśniku kiraŭnika administracyi Łukašenki Maksimu Ryžankovu vytvorčaść «Babuškinoj krynki» ŭ Słaŭharadzie. Fota: sb.by

«Babuškina krynka», pavodle nacyjanalnaha ahienctva Biełarusi, zajmaje 9 miesca ŭ top-100 adkrytych akcyjaniernych tavarystvaŭ krainy.

U 2020 hodzie abjom vyručki ŭ 613 miljonaŭ rubloŭ dazvoliŭ kampanii zaniać treci radok u top-15 małočnych pradpryjemstvaŭ pa abjomie vyručki. Ale pa čystym prybytku «Babuškina krynka» mieła 14 miesca. Dachodnaść kampanii była 3,6 miljona rubloŭ. Lidar na toj momant, «Savuškaŭ pradukt», mieŭ 51,3 miljona.

Značnaja častka pradukcyi «Babuškinoj krynki» vypuskajecca ź biełaruskamoŭnymi nazvami.

Bahata pradukcyi pradajecca za miažoj. Asnoŭny rynak zbytu — Rasija. Ale da poŭnamaštabnaj vajny małočka kampanii pradavałasia i va Ukrainie, dachodziła da Hiermanii. 

Šmathadovaha kiraŭnika vinavacili ŭ rukaprykładstvie

Ličycca, što ciapierašniuju nazvu kampanii prydumaŭ były jaje kiraŭnik Ihar Kanančuk. Jon uznačalvaŭ pradpryjemstva 13 hadoŭ. Za čas jaho kiraŭnictva «Babuškina krynka» aktyŭna madernizavałasia. Pa słovach samoha Kanančuka, u 2015 hodzie ličba układzienych u abnaŭleńnie srodkaŭ siahała 700 miljardaŭ rubloŭ.

Kanančuka ŭ Mahilovie ličyli paśpiachovym mieniedžaram.

Na pradpryjemstvie śćviardžali, što jon «advadžvaŭ rabotnikaŭ ad kradziažoŭ rukaprykładstvam».

Dźvie žančyny źviartalisia sa skarhaj na Kanančuka ŭ sud. Jamu inkryminavali «chulihanstva», ale spravu zakryli, bo abvinavačanamu ŭdałosia pamirycca z rabotnicami. Pavodle pravaabaroncaŭ, u jakaści kampiensacyi Kanančuk paciarpiełym kupiŭ pa kampjutary. Taksama žančyny byli adnoŭleny na pracy.

Ihar Kanančuk. Fota: bobruisk.ru

Ihar Kanančuk. Fota: bobruisk.ru

U 2017-m Kanančuk zvolniŭsia. Heta tłumačyłasia tym, što jon staŭ deputatam Pałaty pradstaŭnikoŭ. Abraŭsia tudy Kanančuk pa Babrujskaj sielskaj akruzie.

Los inšych dyrektaraŭ

Zamiest Kanančuka ŭ 2017 hodzie pastavili kiravać kampanijaj Dźmitryja Hłavinskaha, na toj momant namieśnika hienieralnaha dyrektara akcyjaniernaha tavarystva «Biełryba». Praz 2,5 hoda rašeńniem naziralnaj rady chołdynhu jon byŭ «vyzvaleny z zajmanaj pasady pa zhodzie bakoŭ».

Dźmitryj Hłavinski. Fota: khotimsk.gov.by

Dźmitryj Hłavinski. Fota: khotimsk.gov.by

Nieaficyjna havaryłasia, što Hłavinski nie spraŭlaŭsia sa svaimi abaviazkami i nie «apraŭdaŭ davieru akcyjanieraŭ». Bolšaść akcyj naležyć dziaržavie.

U 2020 hodzie Hłavinski staŭ kiraŭnikom Minskaha małočnaha zavoda №1, na hetaj pasadzie tam pracavaŭ adzin hod.

«Babuškinoj krynkoj» ža pastavili kiravać ciapier užo zatrymanaha Hienadzia Skitava. Jaho karjera nie była źviazana z małočnaj vytvorčaściu.

Hienadź Skitaŭ. Fota: babushkina.by

Hienadź Skitaŭ. Fota: babushkina.by

Cikava, što Skitaŭ, jak i papiaredni kiraŭnik «Babuškinoj krynki» Hłavinski, kaliści kiravaŭ «Biełrybaj».

Karupcyjnyja spravy na supracoŭnikaŭ «Babuškinoj krynki» byli i raniej. Ich zatrymlivali za chabarnictva i pieravyšeńnie słužbovych paŭnamoctvaŭ.

U 2015 hodzie inžyniera babrujskaha filijała abvinavacili ŭ arhanizacyi złačynnaj schiemy, jakuju jon vykarystoŭvaŭ na praciahu dvuch hadoŭ i hetak niezakonna prysabiečyŭ 180 miljonaŭ rubloŭ. Schapili jaho, kali jon braŭ chabar u 3 miljony rubloŭ. Zajaŭlałasia tady, što suprać słužboŭcy było raspačata 20 kryminalnych spraŭ.

U 2017 hodzie supracoŭnika kampanii zatrymali za zakup dla pradpryjemstva pa zavyšanym košcie abstalavańnia ŭ cech dziciačaha charčavańnia. Kampanii jon nanios škody na sumu 700 tysiač rubloŭ.

U 2021 hodzie byłomu hałoŭnamu inžynieru «Babuškinoj krynki» prysudzili 11 hadoŭ i 6 miesiacaŭ źniavoleńnia va ŭmovach uzmocnienaha režymu za zakup abstalavańnia pa zavyšanych cenach. Straty byli acenienyja ŭ 417 miljonaŭ rubloŭ. Jaho chaŭruśniku dali 8 hadoŭ. Žoncy hałoŭnaha inžyniera prysudzili 7 hadoŭ.

Aryštavany Hienadź Skitaŭ, jak śćviardžaje KDB, arhanizavaŭ «sumnieŭnyja schiemy realizacyi pradukcyi AAT «Babuškina krynka». Jon sfarmavaŭ kamandu mieniedžaraŭ ź liku svajakoŭ i byłych padnačalenych, uvioŭ novuju zbytavuju palityku i «zamknuŭ finansavyja patoki na siabie».

Pavodle staršyni KDB Ivana Cierciela, pa małočnaj spravie zatrymana 26 čałaviek, ź ich na dadzieny momant aryštavanyja piatnaccać.

Łukašenka zajaviŭ, što «šlacham podkupu asobnyja kamiersanty atrymlivali prava pieršačarhovaha raźmierkavańnia małočnaj pradukcyi (masła, syroŭ, inšaj małočnaj pradukcyi) na svaju karyść z mahčymaściu zakupki pa canie nižejšaj za ŭstanoŭleny indykatyŭ».

Hladzicie taksama:

Zatrymanyja kiraŭniki adrazu niekalkich małakazavodaŭ

Apublikavali rejtynh akcyjaniernych tavarystvaŭ, pa-za kankurencyjaj banki

Na «Babulinaj kryncy» zvaryli na padarunak 115-kiłahramovy syr

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?